Ezekiel 12:2 - Maung A Balita Biblia

² Inkuanto, “Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Maung a Balita Biblia

² Inkuanto, Sika a toon ompatey, manaayam kan kaibam iray mananumpan totoo. Walay mata ra, balet anggapoy nanenengneng da; walay layag da, balet anggapoy narerengel da lapud mananumpa ra.

Ezekiel 12:2 Referans Kwoze

Marcos 4:12

Kanyan, ‘Nengneng la ra man a nengneng, ag da met lamlamang nanengneng; dengel la ra man a dengel, ag da met lamlamang natalusan; ta ompan lagi ompawil irad Dios, et pirdonaen to ra.’”

Jeremias 5:21

Dengel kayo, sikayon anggapoy kalakal tan anggapoy pakatalus a totoo. Walay kamataan yo, balet ag kayo makanengneng, walay kalayagan yo, balet ag kayo makadngel.

Saray Salmo 78:40

Naynay iran sinmumpad sikato diad kalawakan; amimpiga-pigan pinaermen da.

TAGA-EFESO 4:18

tan ambilonget so pakatalus da. Anggapoy pinanabang dad bilay ya iiter na Dios, lapud anggapoy amta ra tan anawet so puso ra.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

2 CORINTO 3:14

Balet anawet so olo da kanyan nasasakbungan nin siansiay kanunotan da, kapag basaen day daan a sipanan. Naekal yan sakbung no mikasakey ed Cristo so sakey a too.

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

Jeremias 5:23

Balet sikayo ran totoo! Anawet so olo yo tan mananumpa kayo; imbeneg yo ak, insan yo ak tinaynan.

Isaias 65:2

Sipaparaan ak lawas a mangawat ed saray totook ya anawet so olo ra tan itutuloy day manggaway makapoy tan mangonur ed dilin labay da.

Isaias 30:9

Sikaray totoon onsusumlang lawas ed Dios, matila ra lawas, tan ag da labay lawas so ondengel ed saray bangat na Katawan.

Isaias 30:1

Say Katawan nansalita: “Pangaskasiyan iray manooley ed Juda lapud linmaban irad siak. Totombuken da ray ag ko implano, tan akipakna ra sumpad linawak; pantatabunan day kasalanan a gagawaen da.

Lucas 8:10

Inmebat si Jesus, “Niiter ed sikayoy pakaamta ed saray maamut a bengatlan nipaakar ed Panariay Dios. Nipaamtad saray arum, balet diad panamegley na saray alimbawa, pian nengneng la ra man a nengneng, ag da nanengneng met lamlamang; tan dengel la ra man a dengel, ag da natalusan met lamlamang.”

Ezekiel 2:3

“Sika a toon ompatey, ibaki ta ka ed saray totood Israel. Linmaban irad siak tan sinumpa ra ak tan itutuloy day onlaban ed siak, a singa ginawa na saray lalaki ra.

Ezekiel 44:6

“Ibagam ed saray mananumpan totood Israel a siak a Katawan a Dios et ag ko la abuloyan iray makapaingungot a gagawaen da.

Ezekiel 24:3

Ibagam ed saray mananumpan totook so sayan alimbawa, a siak a Katawan a Dios kuankod sikara: Itoon yo so kaldiro tan pano yo na danum.

Ezekiel 17:12

“Tepet mod sarayan mananumpan totoo no kasin amta ra so kabaliksan na samay alimbawa. Ibagam ed sikara a say ari na Babilonia et linmad Jerusalem tan inawit tod Babilonia so ari tan saray opisyal to.

Ezekiel 3:9

Gawaen ta kan anawet a singa bato odino diamanti; ag ka ontatakot ed saraman a mananumpa.”

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Deuteronomio 29:4

Balet anggad natan ag to ni impatalus ed sikayo so kabaliksan na saraman ya asalsali yo.

Deuteronomio 9:24

Nanlapu lad samay impikabat kod sikayo, susumlangen yo lay Katawan.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

Jeremias 4:17

liktuben day Jerusalem a singa lalakin babantayan day sakey ya alog lapud sinmumpad Katawan iray totoo to.” Say Katawan so nansalita.

Isaias 6:5

Inkuanko, “Pakaskasi ak la! Anggapo lay ilalok! Maoges ya amin so sasalitaen na dilak, tan manaayam ak ed kawalaan da ray totoon maoges so sasalitaen da. Naamtaan ko ya, lapud say Ari a Katawan a Makapanyarin-amin so anengneng na saray dilin matak.”

Isaias 43:8

Say Dios kuanto, “Awit yod korti iray totook. Walay mata ra, balet ag ira makanengneng; walay layag da, balet ag ira makadngel!

Ezekiel 12:1

Say Katawan akisalitad siak.

Ezekiel 12:25

Siak a Katawan misalita ak ed sikara, tan no antoy sinalitak sikatoy nasumpal. Anggapo lay nagawan abala. Diad legay pambilay yo, sikayon totoon mananumpa, sumpalen koy impasakbay kon nagawa. Siak so nansalita,” kuay Katawan a Dios.

Deuteronomio 29:3

Anengneng yo ra may makapataktakot a salot, saramay milagro, tan saramay ankakabaleg a pakelaw a ginagawa na Katawan.

2 Saray Arari 17:14

Balet ag ira tinmoluk; anawet so olo ra, a singa saray lalaki ran ag nanmatalek ed Katawan a Dios da.

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

Isaias 44:18

Diad gaway inkakulang-kulang da ra yan totoo ag da amtay gagawaen da. Ikokopit day mata ra tan sasaraan day kanunotan da ed katwaan.

Jeremias 7:26

Balet ag kayo dinmengel odino angimano. Ingen, nagmaliw kayon lalon anawet so puso tan lalon mananumpa nen saray lalaki yo.