Ezekiel 12:19 - Maung A Balita Biblia

¹⁹ Ibagam ed intiron bansa a sikato yay salita na Katawan a Dios ed saray totoon atilak ed Jerusalem: Onggiwgiw ira no mangan ira tan ompayegpeg irad takot no oninom ira. Naandian na karga so dalin da, lapud maoges so kabibilay na balang sakey ed sikara.

Maung a Balita Biblia

¹⁹ Ibagam ed intiron bansa a sikato yay salita na Katawan a Dios ed saray totoon atilak ed Jerusalem: Onggiwgiw ira no mangan ira tan ompayegpeg irad takot no oninom ira. Naandian na karga so dalin da, lapud maoges so kabibilay na balang sakey ed sikara.

Ezekiel 12:19 Referans Kwoze

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Mikias 7:13

Balet magmaliw a kabueran so mundo lapud saray maoges a gagawaen na saray totoon manaayam.

Ezekiel 6:14

On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.”

1 CORINTO 10:28

Balet no walay mangikuan ed sikayo, “Imbagat yad saray talintaoy diriyos,” ag yo kakanen, makasengeg ed samay angipaamtad sikayo tan say konsinsia;

Ezekiel 7:23

“Agewgew ya amiy bengatla—pateyan ed amin a sokung na bansa tan napno na inkaruksa iray siudad.

Jeremias 10:22

Dengel kayo! Sinmabi lay balita! Walay baleg a gewgew ed sakey a bansa ya anggad baybay; saray sondalo to pagmaliwen dan kabueran iray siudad na Juda, say pasen a panaayaman na saray asod katakelan.”

1 CORINTO 10:26

Ta ibabagay Masanton Sulat, “Kayaryan na Katawan so mundo tan amin a logan to.”

Ezekiel 36:3

“Mampropisiya ka, sirin, tan ibawag mo so ibabagak, siak a Katawan a Dios. Nen adakep tan asamsaman na saray kaliber-liber a bansa so kapalandeyan na Israel, niluludlurey na balang sakey a too so Israel.

Ezekiel 4:16

Inkuanto nid siak, “Sika a toon ompatey, patondaen koy pangitolur na tinapay ed Jerusalem. Saray totood man maermen tan mapaga ran mansukat na tagano a kanen da tan say danum ya inomen da.

Jeremias 33:12

Inkuan na Katawan a Makapanyarin-amin, “Diad sayan dalin a singa kalawakan ya anggapoy too o ayep a manaayam, nawalaan lamet na saray pastolan a napanyakaran na saray pumapastol na saray karniro ra.

Jeremias 33:10

Inkuan na Katawan, “Ibabaga na saray totoo a sayan pasen et singa kalawakan ya anggapoy too o ayep a manaayam. Tuay ibabaga ra ya anggapoy kabaliksan iray baley na Juda tan saray dalan na Jerusalem; anggapoy manaayam a too o ayep ed sikara. Balet diad sarayan pasen narengel yo lamet

Jeremias 32:28

Kanyan sirin, iter ko yan siudad ed Ari Nabucodonosor na Babilonia tan saray sondalo to, tan dakepen da,

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Jeremias 6:7

No panoy pansiasiansiay masamit a danum ed bobun, ontan met so pansiasiansiay kaogsan ed Jerusalem. Narerengelan koy inkaruksa tan panagderal ed dalem na siudad; sakit tan sugat iray nanenengneng ko.

Jeremias 4:27

Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Saray Salmo 107:34

Impagmaliw ton maasin tan ag natobuan so mabonan dalin, lapud kaogsan da ray manaayam diman.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Jeremias 25:11

Magmaliw a bontun na dera-deral yan intiron dalin tan makapataktakot a nengnengen. Pitomploy taon a panlingkuran na sarayan kakaabay a bansa so Babilonia.