Ezekiel 12:15 - Maung A Balita Biblia

¹⁵ “No itaytayak ko rad saray arum a bansa, nakabatan da a siak so Katawan.

Maung a Balita Biblia

¹⁵ No itaytayak ko rad saray arum a bansa, nakabatan da a siak so Katawan.

Ezekiel 12:15 Referans Kwoze

Ezekiel 6:7

Napatey iray totoo ed inerman a pasen, tan birbiren na amin da ray makapaliis ed patey a siak so Katawan.

Ezekiel 12:20

Naderal iray siudad a napno la natan na saray totoo, tan nagawan kalawakan so bansa. Insan dad satan naamtaan a siak so Katawan.”

Ezekiel 12:16

Iyabuloy kon pigarad sikara so ag ompatey ed bakal, eras, tan sakit, pian diad panayam dad saray arum a bansa et nabirbir da ya ontan lan makapaingungot so ginagawa ra tan akoen da a siak so Katawan.”

Ezekiel 6:14

On, onla ak a maneral ed bansa ra. Say bansa ra et pagmaliwen kon andi-kakanaan tan begtebegtew a pasen, manlapud niabalaten a kalawakan ya anggad siudad na Ribla diad baybay; napibaliy amin a pasen a panaayaman da ray Israelita. Diad satan naamtaan dan amin a siak so Katawan.”

Ezekiel 39:28

Diad satan naamtaan na saray totook a siak so Katawan a Dios da. Naamtaan da ya, lapud imbantak ko rad arum a bansa tan natan titiponen ko ran ipawil ed dilin dalin da, ya anggapon balut so itilak kod sikara.

Ezekiel 33:33

Balet no ontua ray amin a salitam—et talagan ontua ra—naamtaan dad satan a walay sakey a propitan nanayam ed pegley da.”

Ezekiel 28:26

Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”

Ezekiel 26:6

tan pateyen da diad panamegley na ispada iray totoon manaayam ed saray baley to diad maawang a dalin to. Diad satan naamtaan na Tiro a siak so Katawan.”

Ezekiel 25:11

Dusaen ko so Moab, et naamtaan na saray totoo a siak so Katawan.”

Ezekiel 24:27

Diad satan met ya agew, makapansalita ka lamet, tan mitongtong kad sikato. Diad onya magmaliw kan sakey a tanda ed saray totoo, tan nakabatan da a siak so Katawan.”

Ezekiel 14:18

et anggan bilang manaayam diman ira may taloran lalaki—legan a siak so mabilay a Katawan a Dios—anggapoy duaruwa ya ag da niagel iray anggan dilin anak da. Say bilay dan talo labat so nilaban da.

Ezekiel 11:10

tan napatey kayod bakal ed dilin bansa yo. Diad satan naamtaan na balang sakey a siak so Katawan.

Ezekiel 7:4

Ag ta ka pirdonaen odino kasian. Dusaen ta ka lapud saray makapaingungot a ginagawam, pian naamtaan mo a siak so Katawan.”

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Levitico 26:33

Ipadalan kod sikayoy bakal tan itaytayak ta kayod saray arum a bansa. Nataynan so dalin yo, tan naderal-deral iray siudad yo.

Jeremias 29:18

Osilan ko ra na bakal, eras, tan salot, pian diad ontan saray totood amin a bansa ed mundo et nataktakot ira ed nanengneng da. Inerman a pasen a pangikayatan kod sikara, saray totood man et natalagnaw tan nataktakot ira ed agawad sikara. Ludlureyen da ra tan ikana ran sakey a samba so ngaran da.

Jeremias 49:32

“Ala yo ray kamilyo ra tan amin a baka ra! Ikayat kod nandoroman pasen ira tay totoon nampapotut na antikey tan iyakar kod sikaray deral a manlapud kaliber-liber da.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.