Ezekiel 11:9 - Maung A Balita Biblia

⁹ Ipaway ta kayod siudad tan ipalima ta kayod saray taga arum a bansa. Sinintinsiaan ta kayon ompatey,

Maung a Balita Biblia

⁹ Ipaway ta kayod siudad tan ipalima ta kayod saray taga arum a bansa. Sinintinsiaan ta kayon ompatey,

Ezekiel 11:9 Referans Kwoze

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Saray Salmo 106:41

Impelag to rad silong na pakayari da ray pagano; tan nanoley ed sikara iray kalaban da.

Deuteronomio 28:36

“Say Katawan iyakar to kayo tan say ari yo ed sakey a bansa ya ag yo ni nanayaman nen saman, sikayo o saray lalaki yo; manlingkur kayod man ed saray diriyos a kiew tan saray diriyos a bato.

Ezekiel 16:41

Poolan da ray kaabungan mo tan ipanengneng dad saray amayamay a bibii so kadudusam. Patondaen ta kad pipiakdul mod saray arum a lalaki tan ag ta ka la pangiteren na rigalo ed saray kainarowan mo.

Judas 1:15

pian sintinsiaan toy amin a katoowan tan dusaen to ray makasalanan lapud maoges iran gawgawa ra, tan lapud saray maoges a sinalita ra sumpad Dios!”

Saray Taga Roma 13:4

Ta sikatoy kumikimey na Dios tan pankaabigan moy gagawaen to. Balet takot ka no maoges so gawaen mo, ta dusaen to kan dusaen. Sikatoy kumikimey na Dios a manusa ed saray manggaway kaogsan.

Juan 5:27

Inter na Ama ed Anak so pakayarin manintinsia, ta sikatoy Anak na Too.

Ezekiel 30:19

No onya so panusak ed Egipto, nakabatan da a siak so Katawan.”

Ezekiel 21:31

Nalikna yo so sulit na pasnuk ko no singa apoy ya idapok ed sikayo. Insan ipalima ta kayod saray maruksan totoo a marunong iran manderal.

Ezekiel 16:38

Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Jeremias 39:6

Diad Ribla nengnengnengen nen Sedekias iray lalakin anak to legan ya impapatey ira na ari na Babilonia. Impapatey to met iray opisyal na Juda.

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Saray Salmo 106:30

Balet inmalagey si Finees tan dinusa to ray nankasalanan, et tinmonday salot.

2 Saray Arari 24:4

nagkalalo lad samay impamatey tod saray totoon anggapoy kasalanan. Ag napirdona na Katawan si Manases lapud saman a ginawa to.

Jeremias 29:20

Amin yon totoo ya impaibantak kod Babilonia, dengel kayod ibabagak, siak a Katawan.’

Ezekiel 11:7

“Kanyan sikato yay kuankod sikayo, siak a Katawan a Dios. Tua a sayan siudad so banga, balet dinan iray karni? Saray bangkay na pinapatey yo! Ag kayo dia mansiansian manayam—ibantak ta kayod paway na siudad!

Esdras 9:7

Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.