Ezekiel 11:18 - Maung A Balita Biblia

¹⁸ No ompawil ira, ibantak da ray amin a narurumog dan marotak tan makapaingungot a talintaoy diriyos.

Maung a Balita Biblia

¹⁸ No ompawil ira, ibantak da ray amin a narurumog dan marotak tan makapaingungot a talintaoy diriyos.

Ezekiel 11:18 Referans Kwoze

Ezekiel 37:23

Ag da la dotakay sikaran dili, lapud saray makapaingungot a talintaoy diriyos odino lapud kasalanan. Ipaliis ko rad amin a pakapankasalanan dad siak. Linisan ko ra; magmaliw iran totook tan siak so Dios da.

Ezekiel 5:11

“Ontan sirin, legan a mabilay ak a Dios—sikato yay salita na Katawan a Dios—andi-panangasiy pangipolisay kod sikayo lapud dinotakan yoy Timplok diad panamegley na saray kaogsan tan makapaingungot a ginagawa to.

Ezekiel 7:20

Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.

Tito 2:12

Sayan panangaro ibangat to itayon mangibeneg ed aliwan masanto a panagbilay, tan saray minumundon maoges a pilalek. Ibangat to itayo met a mambilay a maadya, maptek tan masanto diad tapew na dalin,

Oseas 14:8

Saray totood Israel et anggapo lay pibali ra ed saray talintaoy diriyos; ebatan ko ray pikakasi ra tan talimaen ko ra. Singa ak malamlambut a kiew a manalimbeng ed sikara. Siak so panlapwan na saray bindision a para sikara.”

Ezekiel 11:21

Balet dusaen ko ray totoon maliket a mangigalang ed saray marotak tan makapaingungot a talintao. Dusaen ko ra lapud saray ginagawa ra.” Say Katawan a Dios so nansalita.

Jeremias 16:18

Mamidway belat so dusan iter kod sikara, lapud kasalanan tan kaogsan da; dinotakan day dalin ko na saray talintaon anggapoy bilay a singa bangkay, tan pinano ra na saray tila-tilan diriyos.”

Isaias 30:22

Alaen yo ray talintao yo a naokupan na pilak tan saray naokupan na balituk, insan yo ra ibantak a singa dotak, tan iyeyag yo, “Ag mi kayo la labay a nanengneng!”

Ezekiel 14:11

Gawaen ko ya, pian ontonda a mangikaindan ed siak iray Israelita tan tondaan day pandotak dad sikaran dili lapud saray kasalanan da. Sikara so nepeg a totook, tan siak so nepeg a Dios da.” Say Katawan a Dios so nansalita.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.