Ezekiel 11:10 - Maung A Balita Biblia

¹⁰ tan napatey kayod bakal ed dilin bansa yo. Diad satan naamtaan na balang sakey a siak so Katawan.

Maung a Balita Biblia

¹⁰ tan napatey kayod bakal ed dilin bansa yo. Diad satan naamtaan na balang sakey a siak so Katawan.

Ezekiel 11:10 Referans Kwoze

2 Saray Arari 14:25

Abawi to ray dalin a sakop na Israel, manlapud Dalan na Hamat diad baybay ya anggad Inatey a Dayat diad abalaten. Sikato yay insipan na Katawan, say Dios na Israel, diad panamegley na aripen ton propita a si Jonas a lakin anak nen Amitai a taga Gat-hefer.

Ezekiel 6:7

Napatey iray totoo ed inerman a pasen, tan birbiren na amin da ray makapaliis ed patey a siak so Katawan.

Jeremias 39:6

Diad Ribla nengnengnengen nen Sedekias iray lalakin anak to legan ya impapatey ira na ari na Babilonia. Impapatey to met iray opisyal na Juda.

Ezekiel 13:23

Kanyan natan nansamput la ray tilan pasingayew yo tan saray managpalikdon propisiya yo. Eekalen kod pakayari yo iray totook, pian naamtaan yo a siak so Katawan.”

Ezekiel 13:21

Bingkasen kon ekalen iray pandung yo tan paekalen kod pakayari yo ray totook. Naamtaan yod satan a siak so Katawan.

Ezekiel 13:14

Ginetmak ya igebad dalin imay padir a tinapalan na dena, mekmekan ko, tan paolyan kon ompaway iray baton pundasion to. Natumbaan kayo ya amin no nageba tan ompatey kayo. Diad satan naamtaan na balang sakey a siak so Katawan.

Ezekiel 13:9

Ngalngali ta kayo la dusaen, sikayo ran propita a tila ray pasingayew yo tan managpalikdo ray pasakbay yo. Ag kayo nakaiba na saray totook no mantitipon iran manggaway disision; ag nibilang iray ngaran yo ed listaan da ray mibabaley ed Israel; ag kayon balut makapawil ed dalin yo. Diad satan naamtaan yo a siak so Katawan a Dios.

Jeremias 9:24

No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.”

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

1 Saray Arari 8:65

Pitoy agew, diad Timplo a sinilibraan nen Solomon tan amin da ray Israelita so Pista na saray Abung-abung. Dinmago ya amin iray totoo a nanlapud nandoroman pasen, manlapud dalan a tatawagey Hamat diad baybay ya anggad ketegay Egipto diad abalaten.

Josue 13:5

say dalin da ray Gibalita; say intiron sakop na Libano ya anggad bokig, manlapud Baalgad a bandad abalaten na Palandey na Hermon ya anggad Dalan na Hamat.