Ezekiel 10:5 - Maung A Balita Biblia

⁵ Say parakpak na saray payak da ra may pinalsa et nadngel ya anggad paway na patio. Singa bosis na Dios a Makapanyarin-amin so tanul da.

Maung a Balita Biblia

⁵ Say parakpak na saray payak da ra may pinalsa et nadngel ya anggad paway na patio. Singa bosis na Dios a Makapanyarin-amin so tanul da.

Ezekiel 10:5 Referans Kwoze

Ezekiel 1:24

Nen tinmikyab ira nadngel koy banesbes na saray payak da; singa ungol na dayat imay banesbes, singa tanul na amayamay a sondalo, singa bosis na Makapanyarin-amin a Dios. Nen tinmonda ra, kinopit da ra may payak da,

Say Libro nen Job 40:9

Mabiskeg ka nen say siak? Ondadalagorug so bosis mo a singa bosis ko?

2 Saray Awaran 4:9

Nanggawa met na patio ed dalem a para papari, tan say patio ed paway. Saray kaput da ray puirta ed nanleetan na saramay duaran patio et naokupan ira na gansa.

1 Saray Arari 7:9

Amin da ra yan paalagey a pati say maawang a patio, manlapud pundasion ya anggad bobung, et agawa rad saray baton niparaan ed panagtebagan a diman ira tinatabas onung ed nitandan sukat tan nililinisay lagari diad duaran pagpag.

Exodo 19:19

Kinmasil lan kinmasil so tanul na trumpita. Nansalitay Moises, et inmebat ed sikato so Dios diad panamegley na karul.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Ezekiel 46:21

Insan to ak inyakar ed patiod paway tan impanengneng tod siak a diad kapag sokung to may patio walay ankelag a patio, a duamplo tan sakey a mitro so karokey to tan labinliman mitro so kaawang to.

Saray Salmo 77:17

Angipelag na oran iray lorem, kinmarul so tawen, tan kinmirmat ed amin a pasen.

Saray Salmo 68:33

say manloglogan ed tawen, say tawen ya abaybayag lan niwala! Dengel kayod eyag ton makapanyari.

Isaias 6:8

Insan nadngel kon say Katawan kuanto, “Siopay ibakik? Siopay managbalita tayo?” Inmebat ak, “Siak! Ibaki mo ak!”

Ezekiel 10:6

Nen ingganggan na Katawan imay toon akakawes na linen a mangalay apoy ed nanleetan da ra may dalig a wala rad silong na saramay pinalsa, linmoob imay too tan nanalagey ed abay na sakey ed saramay dalig.

Ezekiel 40:17

Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,