Ezekiel 10:22 - Maung A Balita Biblia

²² Saray lupa ra et anggapoy pidomaan dad saramay lupa ya anengneng kod gilig na Ilog na Kebar. Nampatulon linma so balang sakey ed saramay pinalsa.

Maung a Balita Biblia

²² Saray lupa ra et anggapoy pidomaan dad saramay lupa ya anengneng kod gilig na Ilog na Kebar. Nampatulon linma so balang sakey ed saramay pinalsa.

Ezekiel 10:22 Referans Kwoze

Ezekiel 10:11

No onkurang ira may pinalsa, makakar irad anggan iner a dapag ya ag la ra ompigar. Onkurang iran mambabansag ed labay dan laen, et ag la ra nepeg ya ompigar.

Ezekiel 1:10

Balang sakey ed saramay pinalsan mabilay et walay apatiran nandoroman lupa to; lupay too ed arap, lupay lion ed kawanan, lupay bakan kalakyan ed kawigi, tan lupay agila ed beneg.

Oseas 14:9

Talusan komun na saray makabat iray nisulat dia, tan dalepdepen dad puso ra. Maptek iray dalan na Katawan, tan pankukurangan ira na saray matonung a totoo, balet katutumbaan na saray makasalanan lapud ipopolisay da ra.

Ezekiel 1:12

Akaarap so balang sakey ed sikara ed balang dapag, kanyan makakar ira ed labay da ya ag la ra ompigar.

Ezekiel 1:1

Siak, si Ezekiel a pari a lakin anak nen Buzi, et kaibak iray kaparak a Judion nibantak ed Babilonia. Diad kumaliman agew na kumapat a bulan na kumatalomplon taon na panaayam mi ed gilig na Ilog na Kebar, linmokas so tawen, et akanengneng ak na pasingayew a nanlapud Dios. (

Ezekiel 1:9

Akaonat so duaran payak na balang sakey ed sikara, kanyan kuadradoy porma ra tan nandidiwitan so ngoro na saray payak da. No onggalaw ira mambabansag ira tan ag da la nepeg ya ipeyes so laman da.

Ezekiel 10:21

Balang sakey ed sikara walay apatiran lupa to, apatiran payak, tan walay singa limay too ed silong na kapag payak to.

Ezekiel 11:1

Inyatagey ak na ispiritu na Dios, insan to ak inyakar ed nibokig a puirta na Timplo. Anengneng kod mad abay na puirta iray duamplo tan liman lalaki a pati si Jasanias a lakin anak nen Azur tan si Pelatia a lakin anak nen Benaya, a sikaran duay pangulo na bansa.

Ezekiel 43:3

Sayan pasingayew et singa samay pasingayew ya anengneng ko nen sinmabi so Dios ya aneral ed Jerusalem, tan samay pasingayew ya anengneng kod gilig na Ilog na Kebar. Insan ko intiblak ed dalin.