Ezekiel 10:19 - Maung A Balita Biblia

¹⁹ Imbuskag day payak da tan manlapud dalin tinmikyab irad tagey legan ak a mamabantay, tan akilad sikara ira may dalig. Tinmonda rad nibokig a puirta na Timplo, tan walad tagey da imay kagalangan na Katawan.

Maung a Balita Biblia

¹⁹ Imbuskag day payak da tan manlapud dalin tinmikyab irad tagey legan ak a mamabantay, tan akilad sikara ira may dalig. Tinmonda rad nibokig a puirta na Timplo, tan walad tagey da imay kagalangan na Katawan.

Ezekiel 10:19 Referans Kwoze

Ezekiel 43:4

Samay mankidyam a liwawa et dinmalan ed samay puirtad bokig insan linmoob ed Timplo.

Ezekiel 11:1

Inyatagey ak na ispiritu na Dios, insan to ak inyakar ed nibokig a puirta na Timplo. Anengneng kod mad abay na puirta iray duamplo tan liman lalaki a pati si Jasanias a lakin anak nen Azur tan si Pelatia a lakin anak nen Benaya, a sikaran duay pangulo na bansa.

Ezekiel 10:1

Ninmengneng ak ed tambubong a walad tagey na kaoloan na saramay kirubin tan diad tagey da walay singa tronon safiro.

Ezekiel 8:16

Kanyan inyakar to ak ed pation walad dalem na Timplo. Diman ed abay na lolooban ed santuario, diad nanleetan na altar tan say balkon, wala ray duamplo tan liman lalaki. Imbeneg day santuario tan ondadakmomo ran akaarap ed bokig a mangigagalang irad agew ya ombubutay.

Ezekiel 43:1

Samay laki inyakar to ak ed puirtan akaarap ed bokig,

Ezekiel 43:2

et anengneng kod man a manlalapud bokig so mankidyam a liwawa na kiwawala na Dios ed Israel. Singa ungol na dayat so bosis na Dios, tan mankidyam so liwawa na mundo.