Ezekiel 1:4 - Maung A Balita Biblia

⁴ Tinmangay ak, et anengneng koy alimbusabos a manlalapud baybay. Ompapaway a manlalapud makapal a lorem so kirmat, tan maliwliwaway tawen ed kaliber-liber to may lorem. Diad kawalaan to may kirmat, walay mankidyam a singa gansa.

Maung a Balita Biblia

⁴ Tinmangay ak, et anengneng koy alimbusabos a manlalapud baybay. Ompapaway a manlalapud makapal a lorem so kirmat, tan maliwliwaway tawen ed kaliber-liber to may lorem. Diad kawalaan to may kirmat, walay mankidyam a singa gansa.

Ezekiel 1:4 Referans Kwoze

Ezekiel 1:27

Samay singa too et singa mankidyam a gansan walad pegley na apoy. Niliwawaan to na masnag so intiron kaliber-liber to,

Ezekiel 8:2

Tinmangay ak, et anengneng kod sakey a payawar so singa sakey a toon apoy. Manlapud balangbang to a mampaleksab singa apoy so laman to, tan manlapud balangbang to a mampaatagey mankidyam a singa gansan pinasileng.

Jeremias 23:19

Singa bagyo so pasnuk to, singa makmaksil ya alimbusabos ya ombasig ed kaolowan da ray totoon maoges,

Jeremias 25:32

Say Katawan a Makapanyarin-amin imbaga to a say deral et mansosoblay ya onsasabi ed balang bansa, tan sakey a mabiskeg a bagyo so mantitipon ed saray arawin sokung na mundo.

Isaias 21:1

Sikato yay propisiya a nipaakar ed Babilonia. Say deral a manlalapud makapatak-takot a pasen et onsabin singa alimbusabos ya ombebeltang ed kalawakan.

Puyan 1:15

Saray sali to singa ra gansan pinoolan ed palbaan insan pinasileng, tan say bosis to singa tanul na mabiskeg ya agos na danum.

Saray Hebreo 12:29

ta say Dios tayo et manangoput ya apoy.

Jeremias 25:9

‘Tawagen kon amin iray totood baybay tan say aripen kon Ari Nabucodonosor na Babilonia. Pibakalen ko ra sumpad sayan bansa tan amin a manaayam dia tan amin a kaliber-liber ton bansa. Deralen ko ya anggad angga yan bansa tan saray kaabay to, paolyan ko ran aderal-deral ya anggad angga, makapataktakot tan makapasinagem iran nengnengen.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Jeremias 4:6

Itoro yoy dalan ya ompogtad Sion! Batik kayod pasen ya arawid kaatapan! Ag kayo la manaabala! Say Katawan mangipasabi na segsegang tan baleg a deral a manlapud baybay.

Isaias 19:1

Sikato yay propisiya a nipaakar ed Egipto. Akalogan ed lorem so Katawan tan maples a mamapaarap ed Egipto. Manggiwgiw ed arap to iray talintaoy diriyos na Egipto, tan nanaekalan na biskeg na linawa iray Egipsio.

Saray Salmo 50:3

Onsasabiy Dios tayo, balet aliwan mareen; walay manliub ya apoy ed arap to tan mabiskeg a bagyo ed kaliber-liber to.

1 Saray Arari 19:11

“Paway ka tan manalagey kad arap ko diad toktok na palandey,” inkuan ed sikato na Katawan. Insan dinmalan so Katawan, angibakiy mabiskeg a dagem a nanyegyeg ed saray palandey tan amisagpisag ed saray baton ankabaleg—balet andid man ed dagem so Katawan. Tinmonday siplug to may mabiskeg a dagem, insan walay yegyeg—balet andid man ed yegyeg so Katawan.

Ezekiel 13:11

Ibagam ed saray propita a nageba so padir da. Mangipelag ak na maples ya oran. Ompelag met ed padir so oran a yilo, tan ombasig ed sikato so mabiskeg a dagem.

Ezekiel 13:13

Natan saya so kuan na Katawan a Dios: “Diad pasnuk ko mangisiplug ak na mabiskeg a dagem, mangipelag ak na maples ya oran, tan say yilon oran a maneral ed samay padir.

Ezekiel 43:3

Sayan pasingayew et singa samay pasingayew ya anengneng ko nen sinmabi so Dios ya aneral ed Jerusalem, tan samay pasingayew ya anengneng kod gilig na Ilog na Kebar. Insan ko intiblak ed dalin.

Zacarias 6:6

Samay karwahin igogoyur na saray andeket a kabayo et mamapaarap irad baybay diad Babilonia, saramay ampotin kabayo et diad bokig so lalaen da, tan saramay batekan et oonla rad bansa diad abalaten.

Exodo 9:24

ankakabaleg a kristal, a katekep day kirmat. Sankaksilan la yan oran na kristal; ag nin balut agaway onya ed dalin na Egipto.

2 Saray Arari 2:11

Intuloy day pantotongtong da legan dan manaakar, insan kabebekta linmeet ed sikaray karwahin apoy a bibiraen na saray kabayon apoy, tan say alimbusabos inyakar tod tawen si Elias.

Say Libro nen Job 38:1

Manlapud bagyo, say Katawan akisalitad kinen Job: