Exodo 9:23 - Maung A Balita Biblia

²³ Kanyan si Moises intoro tod tawen imay baston to, et pinakarul na Katawan tan pinapelag to ray kristal, tan kinmikirmat ed tapew na dalin. Say Katawan pinapelag to so

Maung a Balita Biblia

²³ Kanyan si Moises intoro tod tawen imay baston to, et pinakarul na Katawan tan pinapelag to ray kristal, tan kinmikirmat ed tapew na dalin. Say Katawan pinapelag to so

Exodo 9:23 Referans Kwoze

Saray Salmo 18:13

Insan manlapud tawen, kinmarul so Katawan; tan nadngel so bosis na Dios a Sankatageyan.

Josue 10:11

Nen saray Amorreo et ibabatikan da ra may Israelitan sondalo, impepelag na Katawan ed sikara iray ankakabaleg ya oran a kristal ya anggad Azeka. Dakel niy apatey na oran a kristal nen say pinapatey da ray Israelita.

Ezekiel 38:22

Dusaen ko diad panamegley na salot tan pateyan. Say makmaksil ya oran a nantarok na yilo, apoy, tan asupri, et ipelag kod sikato, saray sondalo to, tan saray amayamay a bansan akigampid sikato.

Isaias 30:30

Iparengel na Katawan ed balang sakey so mapagalang a bosis to tan ipalikna tod sikaray biskeg na pasnuk to. Wala ed satan so manliub ya apoy, ompelag iray makapal a lorem, oran a kristal, tan mapalalon nepnep.

Puyan 8:7

Nen sinibuk na onaan ya anghil so trumpita to, inmorad dalin na kristal tan apoy a nanlauk iray dala. Apoolan so kakatloy dalin, kakatlo na amin a kiew, tan amin a mabonan dika.

Saray Salmo 148:8

sikayon kirmat tan kristal, yilo tan lorem, sikayo ran mabiskeg a dagem a mangoonur ed ganggan to.

Saray Salmo 77:18

Tinmolin-tolin so dalagurog na karul mo, tan niliwawaan na kirmat so intiron mundo; ayakayak tan ayegyeg so dalin.

Saray Salmo 29:3

Narerengel so bosis na Katawan diad tapew da ray dayat; onkakarul so mapagalang a Dios, et narerengel so bosis to ed saray danum.

Puyan 16:21

Inmoran a nanlapud tawen na ankakabaleg a kristal a mambelat na ngalngalin limamplon kiloy sakey, tan apatpataan iray totoo. Lapud saya, inayew na saray totoo so Dios, ta makapataktakot yan salot!

Exodo 20:18

Nen nadngel na saray totoo so karul tan say tanul na trumpita tan anengneng day kirmat tan manasasewek a palandey, manggiwgiw irad takot da tan nanalagey irad arawdawin pasen.

Exodo 19:16

Diad kabwasan na kumatlon agew walay karul tan kirmat, pinmatnag ed palandey so makapal a lorem, tan nadngel so makmaksil a tanul na trumpita. Amin da ray katoowan ed kampo et manggiwgiw irad takot da.

Puyan 16:18

Kinmirmat, kinmarul, dinmalagorug, tan yinmegyeg na makmaksil. Sikato la yay sankaksilan a yegyeg, nanlapu lad inkapalsay too ed tapew na dalin. Agaylay kasil to!

Genesis 19:24

Kabebekta say Katawan pinaoran toy manliub ya asupri ed saray siudad na Sodoma tan Gomorra,

Exodo 9:18

Diad onyan oras nabwas paoranen ko na kristal; ag ni yan balut agawa diad Egipto anggan kapigan.

Exodo 9:24

ankakabaleg a kristal, a katekep day kirmat. Sankaksilan la yan oran na kristal; ag nin balut agaway onya ed dalin na Egipto.

Say Libro nen Job 37:13

Ipepelag na Dios so oran a panalog ed dalin; nayarin ipepelag to a panusa tod katoowan, odino pangipanengneng tod sikara na panangaro to.

Saray Salmo 147:17

Singa saray ankekelag a bato iray kristal ya ipepelag to; anggapoy makatepel ed betel ya ibabaki to!