Exodo 7:20 - Maung A Balita Biblia

²⁰ Sinumpal sirin di Moises tan Aaron iray ingganggan na Katawan. Diad arap na ari tan saray opisyal to, inyatagey nen Aaron imay baston to tan imbakbak tod tapew na ilog, et nagmaliw a dala so amin a danum to.

Maung a Balita Biblia

²⁰ Sinumpal sirin di Moises tan Aaron iray ingganggan na Katawan. Diad arap na ari tan saray opisyal to, inyatagey nen Aaron imay baston to tan imbakbak tod tapew na ilog, et nagmaliw a dala so amin a danum to.

Exodo 7:20 Referans Kwoze

Saray Salmo 105:29

Impagmaliw ton dala iray ilog da tan pinatey to ray amin a sira ra.

Saray Salmo 78:44

Impagmaliw ton dala iray ilog, kanyan anggapoy nainom da ray Egipsio.

Puyan 8:8

Nen sinibuk na kumadwan anghil so trumpita to, nibantak ed dayat so singa baleg a palandey a napopoolan. Nagmaliw a dala so kakatloy dayat,

Exodo 4:9

No ag da ka ni sisiaen ed sarayan duaran pakelaw tan ag da ni dengelen so ibabagam, mangala kay danum ed Ilog na Nilo, insan mo ikalbo ed amagan dalin, et magmaliw a dala.”

Exodo 7:21

Inatey iray sira ed ilog, tan binmangebanget so ilog, kanyan ag makainom diman iray Egipsio. Walay dala ed amin a pasen ed Egipto.

2 Saray Arari 4:29

Inkuanen Eliseo ed kinen Giezi, “Ganatan mo! Alam imay bastun ko, ta laka la. Ag ka ontotondan mangibanod siopaman a naabet mo, ta no walay mangilugay ed sika ag ka la manaabalan mibanowan. Tuloy-tuloy mo lay abung tan itapew mod lupad bangkay na ogaw so bastun ko.”

Habacuc 3:8

Saray ilog so amapasnuk ed sika, Katawan? Say dayat so amapetang na olom? Linmogan kad tapew na kaloreman; karwahim so lorem ya ipapalir na bagyo, nen inyakar moy pananalo ed saray totoom.

Exodo 7:6

Sinumpal di Moises tan Aaron so ingganggan na Katawan ed sikara.

Exodo 7:10

Linma ra sirin di Moises tan Aaron ed ari tan ginawa ra so ingganggan na Katawan. Imbontuk nen Aaron so baston to ed arap na ari tan saray opisyal to, et nagmaliw ya oleg.