Exodo 7:2 - Maung A Balita Biblia

² Ibagam ed Aaron iray amin ya iganggan kod sika, tan ibaga tod ari ya abuloyan to ray Israelita a taynan day bansa to.

Maung a Balita Biblia

² Ibagam ed Aaron iray amin ya iganggan kod sika, tan ibaga tod ari ya abuloyan to ray Israelita a taynan day bansa to.

Exodo 7:2 Referans Kwoze

Exodo 4:15

Mitongtong kad sikato tan ibagam so nepeg ton salitaen. Tulongan ta kayo ed pansalita yo tan ibagak ed sikayo so gawaen yo.

Exodo 6:29

inkuanto, “Siak so Katawan. Salitam ed ari na Egipto iray amin ya ibabagak ed sika.”

Saray Gawgawa 20:27

Ta imbagak ed sikayoy amin a linaway Dios.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Ezekiel 3:17

Inkuanto, “Sika a toon ompatey, gawaen ta ka a managbantay ed bansa na Israel. Ipasabim ed sikara iray pasakbay ya ibabagak ed sika.

Ezekiel 3:10

Intuloy na Dios ya inkuan, “Sika a toon ompatey, dengel kan maung tan tandaan moy ibagak ed sika.

Jeremias 1:17

Mamparaan ka, Jeremias; laka, ta ibagam ed sikaray amin ya ingganggan kod sikan salitaen mo. Ag ka la natan ontatakot ed sikara; ta no andi, pagmaliwen ta kan lalon ontakot no wadman ka lad sikara.

Jeremias 1:7

Balet inkuan na Katawan ed siak, “Ag mo ibabagan ogaogaw ka; ingen, lakad saray totoon pangibakian kod sika, ta ibagam ed sikaray amin ya igaganggan kod sika.

1 Saray Arari 22:14

Balet inmebat si Micaya, “Diad ngaran na mabilay a Katawan, say papaibaga tod siak so ibagak!”

Deuteronomio 4:2

Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

Exodo 4:16

Sikatoy mangiyalagey ed sika tan isalitaan to kad saray totoo; singa kad satan Dios ya ibagam ed sikato so salitaen to.

Exodo 7:6

Sinumpal di Moises tan Aaron so ingganggan na Katawan ed sikara.

Exodo 5:1

Insan di Moises tan Aaron linma rad ari na Egipto tan kuanda, “Say Katawan a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”