Exodo 6:8 - Maung A Balita Biblia

⁸ Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Maung a Balita Biblia

⁸ Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.

Exodo 6:8 Referans Kwoze

Genesis 26:3

Dia ka la manayam; ibaan ta ka tan bindisionan ta ka. Iter ko yan amin a pasen ed sika tan saray kabyangay boleg mo. Tooren koy insipan kod kinen Abraham ya amam.

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Ezekiel 20:42

Naamtaan yo a siak so Katawan no ipawil ta kayod Israel, say dalin ya insipan kon iter ed saray lalaki yo.

Genesis 14:22

Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

Ezekiel 47:14

Sinambaan kod saray lalaki yo ya iter kod sikara yan dalin; pampapara yoy pangapag yod sikayon dili.

Deuteronomio 32:40

Legan a siak so mabilay a Dios, iyatagey koy limak tan sambaan ko

Exodo 32:13

Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”

Genesis 35:12

Iter kod sikay dalin ya inter kod kindi Abraham tan Isaac, tan iter ko met ed saray kabyangay boleg mo no andi ka lad bilay.”

Genesis 28:13

Insan anengneng toy Katawan a manalalagey ed abay to. Inkuan na Katawan, “Siak so Katawan a Dios nen Abraham tan si Isaac. Iter kod sika tan saray kabyangay boleg mo yan dalin a pandokdokulan mo.

Ezekiel 36:7

Siak a Katawan a Dios sinambaan kon ipelag ed kababaingan iray bansan walad kaliber-liber.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 20:23

Kanyan walay sananey a sinambaan kod man ed kalawakan. Sinambaan kon ikayat ira ed nandoroman bansa ed intiron mundo.

Ezekiel 20:15

Kanyan sinambaan ko ya ag ko ra iyakar ed inter kod sikaran dalin a mayaman, mataba tan sankaabigan ed amin a dalin.

1 Samuel 15:29

Say mapagalang a Dios na Israel et ag mantila o mangoman na kanunotan. Aliwan too a mangoman na kanonutan.”

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 6:2

Akisalitay Dios ed kinen Moises tan kuanto, “Siak so Katawan.

Puyan 10:6

tan nansambad ngaray Dios a mabilay ya anggad angga, tan amalsay tawen, dalin, dayat, tan amin a wadyad saraya. Inkuanto may anghil, “Anggapo lay makaabala!

Exodo 13:5

Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Saray Bilang 14:30

Insipan ko a panayamen ta kayod man, balet anggapo la natay makapanayam diman likud ed kindi Caleb tan Josue.

Josue 24:13

Initdan ta kayoy dalin ya ag yon balut nansagputan tan saray siudad ya ag yo impaalagey. Manaayam kayo lad man tan mangakan kayo la na bunga na saray ubas tan saray oliba ya ag yo ra intanem.’

Nehemias 9:15

“Nen naerasan ira initdan mo ray tinapay a nanlapud tawen; nen napgaan ira initdan mo ray danum a nanlapud baton dampay. Imbagam ed sikara a kayaryanen day dalin a sinambaan mon iter ed sikara.

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.

Saray Bilang 10:29

Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”

Saray Bilang 11:12

Ag ko pinalsa odino inyanak ira! Akin et pagmaliwen mo ak a sakey ya umaasikasod sikara tan ampopoen ko rad taklay kon singa ra melag ya ogogaw ya anggad dalin ya insipan mon iter ed saray lalaki ra?

Deuteronomio 4:31

Sikatoy mapangasin Dios. Ag to kayo ikaindan o pateyen, tan ag to lingwanan so impisipanan tod saray lalaki yo.