Exodo 6:26 - Maung A Balita Biblia

²⁶ Di Aaron tan Moises so angibagaan na Katawan, “Ipangulo yon ipaway ed Egipto iray tribu na Israel.”

Maung a Balita Biblia

²⁶ Di Aaron tan Moises so angibagaan na Katawan, Ipangulo yon ipaway ed Egipto iray tribu na Israel.

Exodo 6:26 Referans Kwoze

Exodo 12:51

Diad saman ya agew, say Katawan impaway tod Egipto iray boleg na saray Israelita.

Exodo 12:17

Silibraan yo yan pista, ta diad sayan agew impaway kod Egipto iray tribu yo. Diad anggan kapigan a panaon nepeg yon silibraan yan agew a sakey a pista.

Exodo 7:4

Insan iter kod Egipto so ambelat a dusa tan iwanwan ko ray boleg na totook diad itaynan da.

Exodo 6:13

Ingganggan na Katawan si Moises tan si Aaron: “Ibaga yod saray Israelita tan diad ari na Egipto ya ingganggan ta kayon mangipangulo ed saray Israelita diad panaynan dad Egipto.”

Saray Bilang 33:1

Say onggendan ya agawa iter to ray kangaranan na saray pasen ya angiliraan na saray Israelita na kampo ra kayari ran tinaynan so Egipto diad panangipangulo di Moises tan Aaron.

Mikias 6:4

Impaway ta kayo ed Egipto; inekal ta kayod impakaaripen; imbakik ira di Moises, Aaron, tan Miriam ya angiwanwan ed sikayo.

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Saray Salmo 77:20

Diad panangipangulo di Moises tan Aaron, singa ka pumapastol ya angiwanwan ed saray totoom.

1 Saray Awaran 6:3

Duaray lalakin anak nen Amram a di Aaron tan Moises, tan sakey so anak ton bii a si Miriam. Apatiray lalakin anak nen Aaron: di Nadab, Abiu, Eleazar, tan Itamar.

1 Samuel 12:8

Nen linmad Egipto si Jacob tan say pamilya to, pinapairap iray tagad man. Kinmerew na tulong iray lalaki yo. Imbaki na Katawan ed satan ira di Moises tan Aaron, a sikaray angipangulo ed intaynan dad Egipto tan angiter na panayaman da ed sayan dalin.

1 Samuel 12:6

Intuloy nen Samuel so nansalita, “Say Katawan so amili ed kinen Moises tan si Aaron tan sikatoy angipaway ed Egipto ed saray lalaki yo.

Josue 24:5

Insan imbakik ira di Moises tan Aaron, tan angiter ak na baleg a kairapan ed Egipto. Balet impaway ta kayo;

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Exodo 32:7

Say Katawan kuantod kinen Moises, “Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Exodo 32:1

Nen anengneng na saray totoo ya ag ni inmakseb si Moises no ag ingen abaybayag lan wadmad tagey na palandey, kinumpog day Aaron tan kuandad sikato, “Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na sakey a dios a mangiwanwan ed sikatayo.”

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Exodo 13:18

Kanyan impasaliberber to ra la laingen ya ombeltang ed kalawakan tan ombaliw ed Dayat ya Ambalanga. Nen tinaynan day Egipto iray Israelita akaarmas ira na para bakal.

Exodo 6:20

Inasawa nen Amram si Jacobed ya agi nen ama to; saray anak da et di Aaron tan Moises. Nambilay si Amram na sanlasus tan talomplo tan pitoy taon.

Exodo 6:7

Pagmaliwen ta kayon dilin totook, tan magmaliw a siak so Dios yo. Nakabatan yo a siak so Katawan a Dios yo no ekalen ta kayod maruksan panagoley na saray Egipsio.

Genesis 2:1

Asumpal sirin ya apalsa so tawen tan dalin tan amin a logan da.

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.