Exodo 40:38 - Maung A Balita Biblia

³⁸ Legan na impanaakar-akar da, anengneng da no agew so lorem ya akakobut ed Tuldan Ayamay Katawan tan anengneng da no labi so apoy a mandarlang ed tagey to.

Maung a Balita Biblia

³⁸ Legan na impanaakar-akar da, anengneng da no agew so lorem ya akakobut ed Tuldan Ayamay Katawan tan anengneng da no labi so apoy a mandarlang ed tagey to.

Exodo 40:38 Referans Kwoze

Saray Salmo 78:14

No agew inwanwan to ra diad panamegley na lorem, tan no labi diad panamegley na liwawa na apoy.

Saray Bilang 9:15

Diad agew na impangilira ed Tuldan Ayamay Katawan, sinmabi so lorem tan sinakbungan to. No labi singa apoy imay lorem.

Exodo 13:21

No agew say Katawan manayam ed bandad arap da a sakey a lusek a lorem, pian niwanwan to rad dalan; no labi manayam ed bandad arap da a sakey a lusek ya apoy, pian naliwawaan to ra. Diad onya makapambiahi ra ed agew tan labi.

Saray Salmo 105:39

Tinarungan na Dios iray totoo to na lorem, tan initdan to ray apoy a nanliwawad sikara no labi.

Saray Bilang 9:12

Ag kayo mangikekera ed saray kakanen ya anggad ontombuk a kabwasan tan ag yo popoteren so anggan dinan a pokel na samay ayep. Tombuk yoy amin a totontonen diad pansilibra yo na Paskua.

Exodo 13:22

Say lusek a lorem et wala lawas ed bandad arap na saray totoo na agew, say lusek ya apoy no labi.

Saray Bilang 10:34

Kapag onalis iran manlapud sakey a kampo, tarungan ira na lorem na Katawan no agew.

2 Samuel 7:6

Nanlapu lad impangipaway kod saray totood Israel ed Egipto ya anggad natan, ag ak balut nanayam ed dalem na timplo; diad dalem na tulday nanaayaman ko tan nanaakar-akar ak.