Exodo 40:36 - Maung A Balita Biblia

³⁶ Saray Israelita inyalis da labat so kampo ra kapag ontagey so lorem a manlapud samay Tulda.

Maung a Balita Biblia

³⁶ Saray Israelita inyalis da labat so kampo ra kapag ontagey so lorem a manlapud samay Tulda.

Exodo 40:36 Referans Kwoze

Nehemias 9:19

Balet ag mo ra inkaindan dimad kalawakan, lapud baleg so panangasim. Ag mo pinaandi imay lorem odino samay apoy ya angiwanwan ed sikara no labi tan no agew diad impankurang da.

Saray Bilang 9:17

Kapag onatagey la may lorem, iyalis la na saray totood Israel so kampo ra tan ilira da lamet ed abebaan na samay lorem.

1 CORINTO 10:1

Labay kon nunoten yo, agagi, no antoy agawa ed saray lalaki tayo a tinmombuk ed kinen Moises. Tinarungan iran amin na lorem tan binaliw dan amin so Dayat ya Ambalanga.

Saray Salmo 105:39

Tinarungan na Dios iray totoo to na lorem, tan initdan to ray apoy a nanliwawad sikara no labi.

Saray Salmo 78:14

No agew inwanwan to ra diad panamegley na lorem, tan no labi diad panamegley na liwawa na apoy.

Saray Bilang 9:22

Anggan duaran agew, sakey bulan, sakey taon, odino mabayag nen saya so panakbung ed Tulda na samay lorem, ag ira onalis; balet no onatagey, onalis ira.