Exodo 40:10 - Maung A Balita Biblia

¹⁰ Insan mo isaklang so altar tan amin a kagawaan to diad panamegley na panlanam na larak, et magmaliw a sigput a masanto.

Maung a Balita Biblia

¹⁰ Insan mo isaklang so altar tan amin a kagawaan to diad panamegley na panlanam na larak, et magmaliw a sigput a masanto.

Exodo 40:10 Referans Kwoze

Lucas 1:35

“Onlad sikay Ispiritu Santo,” ebat na anghil, “tan tarungan kay pakapanyariy Sankatageyan a Dios. Kanyan natawag ya Anak na Dios so masanton ogaw ya iyanak mo.

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

1 CORINTO 1:30

Balet say Dios impikasakey to itayod Cristo Jesus tan ginawa to a kakabatan tayo. Diad panamegley nen Cristo, apirdona ray kasalanan tayo ed arap na Dios, nagmaliw itayon masanton totooy Dios, tan arondon itayo la.

Juan 17:19

Makasengeg ed sikara, imbagat koy bilay kod sika, pian matway pangibagat dad bilay da.

Juan 3:34

Ta say imbakiy Dios ipulong toy salitay Dios, ta ag nasabsabaay pangiter na Dios ed sikato na Ispiritu.

Isaias 11:2

Say ispiritu na Katawan so manayam ed sikato tan mangiter ed sikato na kakabatan, pakatalus, tan karonungan a manoley ed saray totoo to. Naamtaan toy linawa na Katawan tan pagalangan toy Katawan,

Levitico 8:11

Angalay daiset ed samay larak tan amimpito ton inwalsik ed altar tan diad saray kagawaan to, diad talyasi, tan say ansagan to a pangisaklang to rad Katawan.

Exodo 40:11

Onya met so pangisaklang mo ed talyasin panagorasan tan say ansagan to.

Exodo 30:29

Onyay pangisaklang mod saraya, et magmaliw iran sigput a masanto, tan siopaman odino antokaman a makadiwit ed saraya napasakitan lapud pakayari na inkasanto ra.