Exodo 4:21 - Maung A Balita Biblia

²¹ Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Maung a Balita Biblia

²¹ Say Katawan inkuanto lamet ed kinen Moises, No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 4:21 Referans Kwoze

Saray Taga Roma 9:18

Kanyan kasian na Dios so labay ton kasian, tan paaweten toy puso na labay ton paaweten.

Isaias 63:17

Akin et abuloyan mon nabalangan mi ray dalan mo? Akin et papaaweten moy olo mi, pian nibeneg mi ka? Pawil ka pa, makasengeg ed saray totoon manlilingkur ed sika, saray totoon kayaryan mo lawas.

Josue 11:20

Say Katawan so amaawet na kapusoan da pian ag ira onsener a mibakal ed saray Israelita, kanyan sigput iran naderal tan napatey ya andi-panangasi. Sikato ya so ingganggan na Katawan ed kinen Moises.

Juan 12:40

“Binulag na Dios iray kamataan da, tan pinaawet toy kapusoan da, pian ag ira makanengneng, ni makatalus, tan ag ira ompawil ed siak pian paabigen ko ra.”

Exodo 14:8

Pinaawet na Katawan so puso na ari, kanyan inosilan to ray Israelita a sipapalabo ran ontataynan.

Exodo 9:35

Anawet so puso nen ari, kanyan ag to inabuloyan ya ontaynan iray Israelita, onung na impasakbay la na Katawan diad panamegley nen Moises.

Exodo 9:12

Balet say Katawan pinaawet toy puso na ari tan onung na imbaga la na Katawan, ag dinmengel ed kindi Moises tan Aaron.

Exodo 7:13

Balet nansiansian anawet so puso na ari, tan onung na imbaga na Katawan, ag dinmengel ed kindi Moises tan Aaron so ari.

Exodo 3:20

Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Exodo 10:20

Balet pinaawet na Katawan so puso na ari, kanyan ag to inabuloyan ya ontaynan iray Israelita.

Exodo 7:3

Balet paaweten koy puso na ari, tan ag to kayo dengelen, anggan antoy karakel so gawaen kon makapataktakot a bengatla ed Egipto.

Isaias 6:10

Insan inkuantod siak, “Pagmaliw mon anawet so olo na sarayan totoo, telek iray layag da, tan bulag iray mata ra, pian ag ira makatalus o makanengneng o makadngel. Ta no makatalus, makadngel, odino makanengneng ira, nayarin ompawil irad siak tan naabigan ira.”

Exodo 14:4

Paaweten koy puso to, kanyan osilan to kayo, et pakagalangan ko so panalok ed ari tan saray sondalo to. Diad satan naamtaan na saray Egipsio a siak so Katawan.” Ginawa na saray Israelita so nibagad sikara.

1 Pedro 2:8

tan, “Nagmaliw a katiruran a bato, tan kaparokulay totoo.” Atumba ra, ta ag ira inmonur ed salitay Dios; sikato yay ingganay Dios para sikara.

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

Saray Salmo 105:25

Inabuloyan to ray Egipsio a mamosul ed saray totoo to, tan mamalikdo ed saray aripen to.

1 Saray Arari 22:22

Inmebat imay ispiritu, ‘Onla ak, ta pantilaen kon amin iray propita nen Acab.’ Inkuan na Katawan, ‘Laka, ta palikdom si Acab. Nagaway pilalek mo.’”

Deuteronomio 2:36

Say Katawan a Dios tayo et inabuloyan to itayon anakep ed amin da ray baley a manlapud Aroer, a walad samput na patar na Arnon, tan manlapud siudad ed pegley na saman a patar ya anggad Galaad. Anggapoy siudad ya ag tayo ayarian so padir to.

Genesis 6:3

Insan inkuan na Katawan, “Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.”

Exodo 8:32

Balet pinaawet ni na ari so puso to, tan ag to lamet inabuloyan ya onla la ray Israelita.

Exodo 10:1

Insan inkuan na Katawan ed kinen Moises, “Laka, ta miarapan kad ari. Pinaawet koy puso to tan saray opisyal to, pian nagawaan kod imatun da ira yan milagro.

Exodo 10:27

Pinaawet na Katawan so puso na ari, kanyan ag to abuloyan ya onla la ray Israelita.

Exodo 11:9

Say Katawan inkuantod kinen Moises, “Ituloy na ari so ag to idengel ed sika, pian nadakelan koy milagron gawaen ko ed Egipto.”

Exodo 11:10

Ginawa di Moises tan Aaron ira yan amin a milagro diad arap na ari, balet pinaawet na Katawan so puso na ari, kanyan ag abuloyan na ari ya ontaynan iray Israelita ed bansa to.

Saray Salmo 78:43

tan nanggagawa na saray milagro tan tanda diad patar na Soan, ed dalin na Egipto.

Exodo 3:19

Amtak ya ag kayo abuloyan na ari na Egipto ya onla, anggad napasoot na biskeg na pakayari.

Exodo 8:11

Saray patang onandi rad sika, saray opisyal mo tan saray totoom, tan anggapoy nakeraan a patang likud ed saray patang a walad Ilog na Nilo.”

Exodo 8:15

Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Exodo 14:17

Paaweten koy kapusoan da ray Egipsio; onosil irad satan, et napagalangan ak diad panalok ed ari, diad saray sondalo to, diad saray karwahi to, tan diad saray kutsiro to.