Exodo 4:13 - Maung A Balita Biblia

¹³ Balet inmebat si Moises, “Aliwan siak, Katawan, so ibakim. Say sananey pa lan too.”

Maung a Balita Biblia

¹³ Balet inmebat si Moises, Aliwan siak, Katawan, so ibakim. Say sananey pa lan too.

Exodo 4:13 Referans Kwoze

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Exodo 4:1

Insan inmebat si Moises ed Katawan, “Balet no ag ak bilang sisiaen na saray Israelita, tan ag da dengelen so ibagak, tan supyaten da ak a kuanda, ‘Andi, ag pinmatnag ed sika so Katawan,’ antoy gawaen ko?”

Juan 6:29

Inmebat si Jesus, “Niay pagagaway Dios ed sikayo: manisia kayod imbaki to.”

Mateo 13:41

Ibaki na Anak na Too ray anghil to tan tiponen da, manlapud Panarian to, iray amin a totoon panlalapway kasalanan tan amin iray totoon manggagaway kaogsan.

Jonas 1:6

Arumog diman na kapitan kanyan kuantod sikato, “Akin et wadtan kan naogip? Bangon ka, ta kerew kay tulong ed dios mo. Ag la pigan abageyen to itayo et ipaliis to itayod patey.”

Jeremias 20:9

Balet no kuanko, “Lingwanan koy Katawan, tan ag ak la mansalita ed ngaran to,” say salitam ed satan singa apoy ya ondadalang ed pusok; kinmetket la rad saray pokel ko. Gagawaen koy anggaay nayarian kon pokpokan, balet ag ko la nayarian.

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

Saray Huis 2:1

Manlapud Gilgal say anghil na Katawan linmad Bokim tan kuantod saray Israelita, “Impaway ta kayod Egipto tan inyakar ta kayod dalin ya insipan kod saray atateng yo. Inkuanko, ‘Ag kon balut deralen so impisipanan kod sikayo.

Exodo 23:20

“Mangibaki ak na sakey ya anghil ya onona nen say sikayo, ta iyagel to kayo legan na pambiahi yo tan iyakar to kayo ed pasen ya imparaan ko.

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

1 Saray Arari 19:4

tan nanakar a sanagew ed kalawakan. Tinmonda tan inmirung ed silong na sakey a kiew tan labay to la komun so ompatey. Nampikasi, “Alablabas la ya, Katawan. Babawim lay bilay ko, ta singa ak met la lamlamang inatey!”

Genesis 24:7

Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko.

Exodo 4:12

Laka la sirin, tulongan ta kan mansalita, tan ibagak ed sika so salitaen mo.”

Exodo 4:14

Lapud saya akapasnuk so Katawan ed kinen Moises tan kuanto, “Anggapo tay kuyam a si Aaron a Levita? Amtak a sikato et marunong a mansalita. Diad tuay tua, si Aaron et abeten to ka tan manliket ed pakanengneng tod sika.

Genesis 41:35

Patipon mon amin iray kakanen legan na saray onsabin maung a taon, tan itdan mo ray pakaoley a mangisinup ed kamalir diad saray siudad, tan pabantayan mo ra.