Exodo 39:1 - Maung A Balita Biblia

¹ Asul, purpura, tan ambalangan tinebey so inkana ra ed impanggawa ra na saray balibalin kawes da ray papari ya isolung da no manlingkur ira ed Masanton Pasen; inggawaan day Aaron na saray kawes na pari. Ginagawa da ra ya onung na ingganggan na Katawan ed kinen Moises.

Maung a Balita Biblia

¹ Asul, purpura, tan ambalangan tinebey so inkana ra ed impanggawa ra na saray balibalin kawes da ray papari ya isolung da no manlingkur ira ed Masanton Pasen; inggawaan day Aaron na saray kawes na pari. Ginagawa da ra ya onung na ingganggan na Katawan ed kinen Moises.

Exodo 39:1 Referans Kwoze

Exodo 31:10

saray balibaliy inkagawan kawes na pari a para si Aaron tan saray anak ton lalaki ya ikana ra no manlingkur iran papari,

Exodo 35:23

Balang toon walay pinon linen to; asul, purpura, odino ambalangan tinebey; abel a bagoy kanding, ambalangan pinamagan katat na karniron kalakyan; odino pinon katat, inyakar to.

Exodo 35:19

tan saray balibalin kawes na saray pari ya isolung da no manlingkur ira ed Masanton Pasen—saray masanton kawes nen Aaron a pari tan saray lalakin anak to.”

Saray Hebreo 9:25

Say Pangulon Pari da ray Judio onloloob a tinaon-taon ed Sankasantosan Pasen, tan awit toy dala na ayep. Balet si Cristo ag linmoob a mamimpiga-pigan mangibagat na sikaton dili.

Saray Hebreo 9:12

Amimpinsan a linmoob ed Sankasantosan a Pasen si Cristo, tan duga la man. Aliwan dala na saray kanding tan saray kilaw a baka so inawit ton ibagat, no ingen ag say dilin dala to, tan lapud saya inggamuran to itayoy karondon ya andi-anggaan.

Ezekiel 43:12

Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.”

Ezekiel 42:14

No saray paparin walad dalem na Timplo et labay day onla ed patiod paway, nepeg ya itilak dad sarayan kuarto iray masanton kawes ya insolung da legan dan manlilingkur ed Katawan. Nepeg a mampales iray sananey a kawes kasakbayan iran ompaway ya onlad pasen a kawalaan da ray totoo.”

Saray Salmo 93:5

Magnayon iray ganggan mo, Katawan, tan tuan masanto so Timplom ya anggad angga.

Exodo 39:41

saray balibalin kawes a nepeg ya isolung na saray papari no onloob irad Masanton Pasen—saray masanton kawes nen Aaron a pari tan saray lalakin anak to.

Exodo 26:1

“Igawaan mo so dalem na Tuldan Ayamay Katawan na samploran kurtina a pinon linen. Asul, purpura, tan ambalanga so tinebey da tan bordaan mo ra na saray kirubin.

Exodo 25:4

pinon linen; asul, purpura tan ambalangan tinebey; abel a bagoy kanding;

Exodo 38:31

saray dapan na pinagkaalar tan say lolooban to, tan amin a palpal na Tulda tan say pinagkaalar.

Exodo 28:5

Saray marunong a mandait et nepeg ya ikana ray balituk, asul, purpura, tan ambalangan tinebey, tan pinon linen.