Exodo 35:29 - Maung A Balita Biblia

²⁹ Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

Maung a Balita Biblia

²⁹ Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

Exodo 35:29 Referans Kwoze

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

Exodo 35:4

Si Moises kuantod amin ya Israelita, “Sikato yay ingganggan na Katawan:

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

TAGA GALACIA 6:16

Diad amin a mambibilay onung ed sayan totontonen, tan pati amin a totooy Dios—nawalaan ira komuy kareenan tan panangasiy Dios!

1 CORINTO 9:17

No pinilik yan kimey, walay ilaloan kon tumang. Balet gagawaen ko yan pangonur kod sakey a ganggan, ta nipia yan kimey ed siak.

1 CORINTO 3:5

Siopay Apolos a? O siopay Pablo a? Aripen kami labat na Dios, ya inkana ton ananggoyur ed sikayo a manisia. Gagawaen na balang sakey ed sikami so kimey ya inawat tod Katawan.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

1 Saray Awaran 29:17

Amtak a susuboken moy puso na balang too tan maliket kad kaptekan. Diad katooran tan diad kaptekan mabolbolos kon inter ira yan amin ed sika. Anengneng ko a sarayan totoom a nantitipon dia natan et maliket tan mabolus so linawa ran angiter ed sika.

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.

1 Saray Awaran 29:6

Insan saray pangulo da ray boleg, saray opisyal da ray tribu, saray kapitan da ray sondalo, tan saray makaoley ed saray kayaryan na ari et mabolus so linawa ran angiter

1 Saray Awaran 29:3

Aliwan saraya labat so imparaan ko; angiter ak ni na saray dilin pilak tan balituk ko lapud panamablik ed Timplo na Dios ko.

Saray Huis 5:9

Akilad saray pangulod Israel so pusok, diad saray totoon mabolbolus ya akilan akibakal. Idayew yoy Katawan!

Saray Huis 5:2

Idayew yoy Katawan! Talagan sipaparaan lan mibakal nen saman iray Israelita; maabuloy ya akibakal iray totoo.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Deuteronomio 11:32

pampelengan yon sumpalen iray amin a ganggan ya iiter kod sikayo natad sayan agew.

Deuteronomio 4:2

Ag yo aaruman so igaganggan kod sikayo, tan ag yo babawasan. Onur yo ray ganggan na Katawan a Dios yo, saray ganggan ya inter kod sikayo.

Exodo 36:3

Inawat dad kinen Moises iray amin a bagat a maliket ya inyaakar na saray Israelita ya ikanad pangipaalagey na masanton Tulda. Balet saray Israelita intuloy day angyaakar ed kinen Moises na saray bagat da kapag kabwasan.

2 Saray Awaran 35:8

Angiter met iray opisyal to na ikana na saray totoo, saray papari, tan saray Levita. Insan saray opisyal na Timplo a di Hilcias, Zacarias, tan Jehiel, initdan da ray papari na duanlibo tan anem a lasus a kordiro tan malangwer a kanding, tan talon lasus a bakan kalakyan ya ibagat no pista.

Esdras 3:5

Niarum ed sarayan bagat so inagew-agew ya isasaklang iran bagat a popoolan, saray bagat ya isasaklang no Pistay Balon Bulan, saray bagat kapag mantitipon ira a mangigalang ed Katawan, tan saray bagat a manlapud mabulos a linawa ya isasaklang na saray totoo ed Katawan.

Esdras 8:28

Inkuankod sikara, “Masanto kayod Katawan, say Dios na saray lalaki yo, kanyan masanto met iray amin a pilak tan balituk ya ikakanad Timplo a niiter ed sikato manlapud mabolus a linawa.

Exodo 35:5

Mangibagat kayo ed Katawan. Amin a maliket a mangibagat nepeg a mangisaklang na balituk, pilak, odino gansa;