Exodo 34:25 - Maung A Balita Biblia

²⁵ “Ag kayo mangibabagat na tinapay a pinaalsad libadura no mangisaklang kayod siak na ayep. Ag kayo mangikekera ya anggad kabwasan na antokaman a parti na ayep a pinatey no Pista na Paskua.

Maung a Balita Biblia

²⁵ Ag kayo mangibabagat na tinapay a pinaalsad libadura no mangisaklang kayod siak na ayep. Ag kayo mangikekera ya anggad kabwasan na antokaman a parti na ayep a pinatey no Pista na Paskua.

Exodo 34:25 Referans Kwoze

Exodo 23:18

“Ag kayo mangisasaklang na tinapay a pinaalsad libadura no mangibagat kayod siak na ayep. Say taba na saray ayep ya imbagat ed siak legan na sarayan pista et ag nepeg ya ikera ya anggad ontombuk a kabwasan.

Exodo 12:10

Ag kayo mangikekera ya anggad kabwasan; no walay nakeraan yo, nepeg yon poolan.

Deuteronomio 16:3

No kanen yo yan panangan, ag kayo mangakan na tinapay a walay libadura. Ta pitoy agew mangan kayo na tinapay ya anggapoy libadura to, a singa samay ginawa yo nen tinaynan yon magangganat so Egipto. Akan yo yan tinapay, say tinapay na kairapan, pian legan na pambilay yo nanunotan yo may agew ya impaway yod Egipto, saman a pasen a nanirapan yo.

Saray Bilang 9:12

Ag kayo mangikekera ed saray kakanen ya anggad ontombuk a kabwasan tan ag yo popoteren so anggan dinan a pokel na samay ayep. Tombuk yoy amin a totontonen diad pansilibra yo na Paskua.

Levitico 7:15

Say karni na ayep nepeg a kanen ed agew ya impangibagat; nepeg ya anggapoy nakeraan ya anggad kabwasan.

Exodo 29:34

No walay kerad kabwasan a karni odino tinapay, nepeg a poolan; ag nepeg a kanen, ta masanto.

Exodo 12:8

Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Mateo 13:33

Sinalita nen Jesus so sakey nin alimbawa: “Say Panariay tawen aliling toy libadura ya inkames na sakey a bii ed taloran sukat na arina, anggad inmalsa may intiro angikamesan to.”

Levitico 2:11

Amin a bagat a trigo ya iyapay yod Katawan et ag nepeg a laukan na libadura; ag kayon balut mangikakana na libadura odino dilo ed kakanen ya ibagat ed Katawan.

Deuteronomio 16:4

Pitoy agew a sebel ed siopaman a too ed dalin yo so mangisinup na arina ed abung to; tan say karni na pinatas ya ayep ed labi na ononan agew et nakaukolan a kanen ed saman met lamlamang a labi.