Exodo 33:22 - Maung A Balita Biblia

²² No onlabas so kagalangan ko, iyan ta ka ed letak na bato tan sakuban ta ka na limak legan kon ondadalan.

Maung a Balita Biblia

²² No onlabas so kagalangan ko, iyan ta ka ed letak na bato tan sakuban ta ka na limak legan kon ondadalan.

Exodo 33:22 Referans Kwoze

Saray Salmo 91:1

Siopamay onlan onsalimbeng ed Katawan, siopamay mansiansiad silong na panangyagel na Makapanyarin-amin,

Isaias 2:21

No onsabiy Katawan a yegyegen toy dalin, saray onamut ed saray abut tan diad saray ongib ed kapokdulan iray totoo, pian napaliisan day pasnuk to tan niamutan day pakayari tan kagalangan to.

Saray Salmo 91:4

Sayakopen to kad saray payak to; arawi kad kaatapan diad silong na panangasikaso to; iyagel tan ilaban ka na inkatoor to.

1 CORINTO 10:4

inminom ira na namparan maispiritu ya iinomen. Inminom ira ed maispiritun bato ya angolup ed sikara, tan sayan baton-dampay et si Cristo.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

2 CORINTO 5:19

Ipupulong min say Dios mikakaarod saray katoowan diad panamegley nen Cristo, tan lilingwanan to la ray kasalanan da. Et impia na Dios ed sikami yan balita.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Kanta nen Solomon 2:3

Sakey a kiew na mansanas a walad takel so aliling na inarok ed kawalaan da ray arum a lalaki. Labalabay koy onyorung ed anino na saman a kiew; masamsamit so pakataway ko ed saray bunga to.

Deuteronomio 33:12

Nipaakar ed tribu nen Benjamin inkuanto: “Sikato yay tribu ya inaro na Katawan tan iyaagel to; Guaguardiaan to ran sanagew Tan manaayam ed pegley da.”

1 Saray Arari 19:9

Nampalabas diman na labi ed dalem na sakey ya ongib. Kabebekta akisalitad sikato so Katawan, “Elias, antoy gagawaen mo dia?”

Isaias 49:2

Ginawa ton singa matdem ya ispada iray salitak. Inyagel to ak na dilin lima to. Ginawa to ak a singa sakey a panan matdem tan sipaparaan ya ikana.

Isaias 51:16

Impanat koy katawenan tan inlirak iray pundasion na mundo; kuankod saray totood Jerusalem, ‘Sikayo ray totook! Iter kod sikayo ray salitak, tan iyaagel ta kayo diad panamegley na dilin limak.’”