Exodo 33:13 - Maung A Balita Biblia

¹³ No talagan makaliliket kad siak, ibagam pad siak so linawam, pian nalingkuran ta ka tan nituloy koy pamaliket kod sika. Ag mo pa met lilingwanan a pinilim yan bansa a kayaryan mo.”

Maung a Balita Biblia

¹³ No talagan makaliliket kad siak, ibagam pad siak so linawam, pian nalingkuran ta ka tan nituloy koy pamaliket kod sika. Ag mo pa met lilingwanan a pinilim yan bansa a kayaryan mo.

Exodo 33:13 Referans Kwoze

Saray Salmo 119:33

Katawan, ibangat mo pad siak so kabaliksan da ray ganggan mo, et lawas ko ran onuren.

Saray Salmo 25:4

Ibangat mo pad siak so linawam; ipaamtam ed siak, O Katawan.

Saray Salmo 27:11

Katawan, ibangat mo ak pad labay mon gawaen ko, tan itonton mo ak ed dalan ya anggapoy kaatapan, ta amayamay iray kalaban ko.

Saray Salmo 86:11

Katawan, ibangat mo ak pad labay mon gawaen ko, et matoor ta kan onuren; ibangat mo ak pan manlingkur ed sika diad intiron pusok.

Deuteronomio 9:29

Say katwaan to, sikaray totoon pinilim a kayaryan tan impaway mo rad Egipto diad panamegley na baleg a biskeg tan pakayarim.’

Deuteronomio 9:26

Et nampikasi ak, ‘Katawan a Dios, ag mo pa papateyen iray dilin totoom, saray totoon inyagel tan impaway mod Egipto diad panamegley na baleg a biskeg tan pakayarim.

TAGA-EFESO 1:17

tan kekerewen kod mapagalang tan makapanyarin Ama a Dios na Katawan tin Jesu-Cristo, ya itdan to kayo komuy Ispiritu. Sikatoy mangiter ed sikayoy kakabatan, tan ipaamta tod sikayoy Dios, pian nakabatan yo.

COLOSAS 1:10

Diad ontan, makapambilay kayon onung ed linawa na Katawan, tan magmaliw kayon makapalikliket ed sikato. Makapambunga ki met ed satan na amin a klasiy maung iran gawa, tan ombaleg so pakapikabat yod Dios.

Juan 17:3

Say bilay ya andi-anggaan saya: say pikabat na katoowan ed sika a saksakey a tuan Dios, tan say pikabat dad kinen Jesu-Cristo ya imbakim.

Isaias 30:21

No onsuawi kayod dalan, narengel yod benegan yo so bosis to a mankuan, “Saya so dalan. Tombuk yo.”

Joel 2:17

Nepeg ya onakis tan mampikasi iray paparin manlilingkur ed nanleetan na altar tan say lolooban ed Timplo: “Katawan, kasian mo pa ray totoom. Ag mo pa iyaabuloy a balawen tan ludlureyen kami na arum a bansa diad pangikuan da, ‘Kawalaan na Dios yo?’”

2 Pedro 3:18

Ituloy yo ingen so ombaleg ed panangaro tan pakapikabat ed Katawan tan Manangilaban tayon Jesu-Cristo. Kayaryan to komuy kagalangan, natan tan ando lan ando! Amen.

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Saray Taga Roma 11:28

Lapud ag inawat na saray Judio so Maung a Balita, nagmaliw iran kalaban na Dios. Balet sikayo ran Hintil, pankaabigan yo ya. Balet lapud pinili ra na Dios, inararo to ni ra makasengeg ed saray inmonan atateng da.

Isaias 63:19

Ipapasen mon singa ag mo kami inoleyan a balut, singa ag kamin balut totoom.

Isaias 63:17

Akin et abuloyan mon nabalangan mi ray dalan mo? Akin et papaaweten moy olo mi, pian nibeneg mi ka? Pawil ka pa, makasengeg ed saray totoon manlilingkur ed sika, saray totoon kayaryan mo lawas.

Exodo 32:7

Say Katawan kuantod kinen Moises, “Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Exodo 3:10

Natan, ibaki ta ka ed ari na Egipto, pian nipaway mod bansa to iray totook ya Israelita.”

Exodo 5:1

Insan di Moises tan Aaron linma rad ari na Egipto tan kuanda, “Say Katawan a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”

Exodo 32:12

Akin et abuloyan mon saray Egipsio et nayarian dan ibaga ya impaway mod Egipto iray totoom, ta getmam a pateyen ira ed kapalandeyan tan deralen iran sigput? Ag ka la kari mamapasnuk; mangoman ka lay kanunotan tan ag mo la komun ipapadalan so deral ed saray totoom.

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Saray Salmo 51:13

Ibangat kod satan iray ganggan mo ed saray makasalanan, et ompawil irad sika.

Saray Salmo 103:7

Impaamta tod kinen Moises iray plano to, tan impanengneng tod saray totood Israel iray ginagawa to.

2 Samuel 15:25

Insan inkuan na ari ed kinen Sadoc, “Ipawil mo lad siudad so Kaban na Sipanan. No maung so linawa na Katawan ed siak, papawilen to ak a nengnengen ko tan say pasen a kawalaan to.