Exodo 33:11 - Maung A Balita Biblia

¹¹ Say Katawan misalita sirin a lupa-lupaan ed kinen Moises, a singa pisalita na sakey a too ed kaaro to. Insan si Moises ompawil ed kampo. Balet say katulong ton tobun-balon laki a si Josue ya anak nen Nun et manayam ed dalem na Tulda.

Maung a Balita Biblia

¹¹ Say Katawan misalita sirin a lupa-lupaan ed kinen Moises, a singa pisalita na sakey a too ed kaaro to. Insan si Moises ompawil ed kampo. Balet say katulong ton tobun-balon laki a si Josue ya anak nen Nun et manayam ed dalem na Tulda.

Exodo 33:11 Referans Kwoze

Saray Bilang 12:8

Kanyan misasalita ak ed sikato a lupa-lupaan; malinew so pisasalitak ed sikato aliwan diad masoliwet a panagsalita; anengneng to ni ingen so alagey ko! Akin et nitepel yo so nansalita na sumpad aripen kon Moises?”

Deuteronomio 34:10

Anggapon balut so linmetaw a propitan singa si Moises diad dalin na Israel; say Katawan akisalitad sikato a lupa-lupaan.

Exodo 33:9

No akaloob lay Moises ed Tulda, onleksab imay lusek a lorem, tan manayam ed lolooban na Tulda, insan say Katawan mitongtong ed kinen Moises manlapud samay lorem.

Exodo 24:13

Namparaan si Moises tan si Josue a katulong to; si Moises ginapwan toy kinmalab ed masanton palandey.

Deuteronomio 5:4

Manlapud apoy diad toktok na palandey say Katawan akisalitan lupa-lupaan ed sikayo.

Genesis 32:30

Inkuanen Jacob, “Anengneng koy Dios ed lupa-lupaan, et mabilay ak ni”; kanyan inngaran toy Peniel iman a pasen.

Santiago 2:23

Tinmua so ibabagay Masanton Sulat, “Si Abraham anisiad Dios, tan lapud pananisia to, say Dios impasen ton matonung.” Sikato ni ingey atawag a kaaroy Dios.

Juan 11:11

Kapangibaga nen Jesus ed saya, inarum ton inkuan, “Nanaogip si kaaro tin Lazaro. Onla ak ta bangonen ko.”

Juan 3:29

Say nubia kayaryan na nubio. Manalalagey ya ondengel so kaaro na nubio, tan manliket na baleg no narengel to lay bosis na nubio. Ontan to met a nagnap lay liket ko.

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Say Libro nen Job 16:21

Labay kon walay mangitalindeg ed siak ed Dios, a singa pangitalindeg na sakey a too ed kaaro to.

2 Saray Awaran 20:7

Sika so Dios mi. Nen saray totoom ya Israelita et linma rad sayan dalin, pinataynan mo ray totoon manaayam dia, insan inter mon kayaryan lan anggad angga na saray kabyangay boleg nen Abraham a kaarom.

Exodo 32:17

Nadngel nen Josue a maneeyag iray totoo tan kuantod kinen Moises, “Narerengel koy eyag na bakal ed kampo.”

Exodo 17:9

Si Moises kuantod kinen Josue, “Mamili ka na saray lalaki, ta onla ran mibakal nabwas ed saray Amalecita. Manalagey ak ed tapew na pokdul a sankabembenan koy baston ya impaawit ed siak na Dios.”

Exodo 33:10

No anengneng la na saray totoo so lusek a lorem dimad lolooban na samay Tulda, ondakmomo ran mangigalang ed Katawan.

Saray Bilang 11:28

Insan si Josue a lakin anak nen Nun, tan nanlapud impanbalolaki to et katulongan la nen Moises, nansalita tan kuantod kinen Moises, “Patondam ira!”

Saray Bilang 12:7

Doma balet no misalita ak ed aripen kon Moises; impasen ko a makaoley ed amin a totook ya Israelita.

Deuteronomio 31:14

Insan say Katawan kuantod kinen Moises, “Antiktikey lay pambilay mo. Tawag moy Josue ta itagar mod mad Tulda pian nabilin ko.” Linma sirin ed Tulda si Moises tan si Josue,