Exodo 31:15 - Maung A Balita Biblia

¹⁵ Anem agew a makapankimey kayo, balet say kumapiton agew et masanton agew a nisaklang ed siak. Siopamay toon manggaway kimey ed sayan agew, nepeg a pateyen.

Maung a Balita Biblia

¹⁵ Anem agew a makapankimey kayo, balet say kumapiton agew et masanton agew a nisaklang ed siak. Siopamay toon manggaway kimey ed sayan agew, nepeg a pateyen.

Exodo 31:15 Referans Kwoze

Genesis 2:2

Diad loob na anem agew asumpal na Dios a pinalsa ira yan amin, insan diad kumapiton agew nampainawa ed amin a kimey to.

Levitico 23:3

Walay anem agew a pankimey yo, balet ag yo lilingwanan a say kumapiton agew et agew na panagpainawa. Diad satan ya agew ag kayo mankikimey, no ag ingen mantitipon kayon mangigalang ed Dios. Say Agew na Panagpainawa et kayaryan na Katawan, anggan iner so panaayaman yo.

Exodo 16:23

Inkuantod sikara, “Say Katawan ingganggan to a nabwas et masanton agew na panagpainawa, say agew a nisaklang ed Katawan. Iyorno yo lan amin natan so labay yon ornoen, tan ilambung yo lay labay yon lambungen. Isinup yoy antokaman ya ikera yon para nabwas.”

Exodo 34:21

“Walay anem agew a pakapankimey yo, balet mampainawa kayo no kumapiton agew, anggan panaon na panagbaka odino panagani.

Lucas 23:56

Kasumpal to, sinmempet ira tan angiparaan iray pabalingit tan mira a para samay bangkay. Nen Agew na Panagpainawa, nampainawa ra, onung na ibabagay Ganggan.

Lucas 13:14

Balet nampasnuk so inkargadoy sinagoga, lapud amaabig si Jesus ed Agew na Panagpainawa. Inkuantod saray totoo, “Walay anemiran agew a niganan pankimey. Laki diad sarayan agew a mampatambal, aliwan sano Agew na Panagpainawa!”

Exodo 35:2

Anem agew a makapankimey kayo, balet masanto so kumapiton agew, sakey a masanton agew na panagpainawa a nisaklang ed siak a Katawan. Siopamay mankimey ed satan ya agew nepeg a pateyen.

Exodo 31:17

Sakey yan mansiansian tanda na sipanan ed saray Israelita tan siak, lapud siak a Katawan et pinalsak so tawen tan say dalin ed loob na anemiran agew, tan diad kumapiton agew tinmonda ak a nankimey tan nampainawa ak.”

Saray Hebreo 4:9

Kanyan wala ni sirin so agew a panagpainawa a nakdaan para saray totooy Dios, a singa impampainaway Dios diad kumapiton agew.

Ezekiel 46:1

Say Katawan a Dios kuanto, “Samay nibokig a dalan na puirtan mamaarap ed patiod dalem et nepeg ya akakaput legan na anem agew a panagkimey, balet nepeg ya ilokas no Agew na Panagpainawa tan no Pistay Balon Bulan.

Levitico 23:32

Manlapud kaselek na agew na kumasiam ya agew na bulan ya anggad kapansironget na kumaplon agew ngilinan yo yan agew a sakey a nidoma-doman agew na panagpainawa; legan na sayan agew nepeg ya anggapoy kanen na anggan siopa.

Exodo 31:14

Nepeg yon ngilinan so agew na panagpainawa, lapud masanto yan agew. Siopamay toon ag manngilin ed sayan agew, no ag ingen mankimey, nepeg a pateyen.

Exodo 16:26

Nepeg a manala kayo na kakanen ed loob na anemiran agew, balet diad kumapiton agew, say agew na panagpainawa, anggapo so naala yon kakanen.”

Exodo 23:12

“Mankimey kayo na anem agew ed loob na sakey simba, balet ag kayo mankikimey ed kumapiton agew, pian makapampainawa ray aripen tan saray sangkailin kumikimey yo, a pati saray ayayep yo.

Exodo 31:16

Saray Israelita nepeg a ngilinan da yan agew, ta sakey yan tanda na sipanan.

Exodo 35:3

Ag kayo anggan mamaparlang ed dalem na kaabungan yo no Agew na Panagpainawa.”

Levitico 16:29

Saray onggendan a totontonen et nepeg a tombuken ira ya anggan kapigan man a panaon. Diad kumaplon agew na kumapiton bulan, saray Israelita tan saray sangkailin manaayam ed kawalaan da et nepeg a manayuno ra tan ag ira mankimey.

Deuteronomio 5:12

“Ngilinan moy Agew na Panagpainawa tan ipasen mon masanto, onung na ingganggan ko, siak a Katawan a Dios mo, ed sika.