Exodo 30:35 - Maung A Balita Biblia

³⁵ Manggawa ka na insinso, a singa panaggawa na pabalingit. Laukan mo na asin pian mansiansian puro tan masanto.

Maung a Balita Biblia

³⁵ Manggawa ka na insinso, a singa panaggawa na pabalingit. Laukan mo na asin pian mansiansian puro tan masanto.

Exodo 30:35 Referans Kwoze

Levitico 2:13

Laukan yo na asin iray amin a bagat a trigo, ta say asin mangilalaman na impisipanan na Dios ed sikayo. (Nepeg yon laukan na asin so amin a bagat yo.)

Exodo 30:25

tan manggawa ka na masanton larak a panagpoyuk a singa panaggaway pabalingit.

Juan 12:3

Angalay Maria na sakey botilyan nankargay sakey libran mabmablin pabalingit a puron nardo. Inkalbo tod saray sali nen Jesus, insan to ra pinonasan na buek to. Kinmayat so balingit ed intiron abung.

Kanta nen Solomon 3:6

Anto yay onsasabin singa lusek na asewek a manlalapud kalawakan, abalingitan na insinso tan mira, say insinson ilalako da ray nigosianti?

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Probirbio 27:9

Say larak tan say pabalingit paliliketen da ka, balet say gunigon gogoloen toy isip mo.

Exodo 30:34

Say Katawan kuantod kinen Moises, “Mangala ka na nampaparan karakel na onggendan a masamit a rikado—istakti, onika, galbanum, tan puron olibanum.

Exodo 30:36

Temek mon singa pinon pulbo so daiset ed sayan insinso, iyakar mod dalem na Tuldan Ayamay Katawan, insan mo ipukapok ed arap na Kaban na Sipanan. Ipasen mon sigput a masanto so sayan insinso.

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Levitico 16:12

mangala na pananginay insinso a napnoy ngalab a nanlapud altar tan duaran akup a pinon insinso, insan awiten to ra ed loob na Sankasantosan a Pasen.

1 Saray Arari 1:39

Inala nen Sadoc so pananginan na larak na oliban inala tod Tuldan Ayamay Katawan, insan to nilanaay Solomon. Pinaknul day trumpita, tan ineyag na amin a totoo, “Andokey komun so bilay nen Ari Solomon!”

1 Saray Awaran 9:30

Saray papari so makaoley ed panaglaok ed saray rikado.

Saray Salmo 133:2

Singa mablin panaglanan larak a managagos ed olo tan balbas nen Aaron, ya anggad kuilyo na kawes to.