Exodo 30:31 - Maung A Balita Biblia

³¹ Ikuanmod saray Israelita, ‘Sayan masanton larak a panagpoyuk et nepeg ya ikana ed panlingkur ed siak diad kapigan man a panaon.

Maung a Balita Biblia

³¹ Ikuanmod saray Israelita, Sayan masanton larak a panagpoyuk et nepeg ya ikana ed panlingkur ed siak diad kapigan man a panaon.

Exodo 30:31 Referans Kwoze

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.

Levitico 21:10

“Say Pangulon Pari et kinalboan na larak so olo to tan nisaklang a mangisolung na saray kawes na pari, kanyan ag to nepeg a paolyan ya ag asagaysay so buek to odino pilaten toy kawes to diad pangipanengneng ton maneermen.

Levitico 8:12

Kinonsagra toy Aaron diad impangikalbo tod olo to na larak a panaglana.

Exodo 37:29

Nanggawa met na masanton larak a panagpoyuk tan say puron ambalingit ya insinso; ginawa to ra a singa panaggaway pabalingit.

Exodo 29:21

Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Exodo 30:30

Insan mo poyukan si Aaron tan saray lalakin anak to tan ikonsagram ira a papari a manlingkur ed siak.

Exodo 30:32

Ag nepeg ya ikalbo ed ordinarion too, tan ag yo nepeg ya aligen so inkagawa to. Masanto yan larak; nepeg a masanto so pangipasen yo.