Exodo 30:30 - Maung A Balita Biblia

³⁰ Insan mo poyukan si Aaron tan saray lalakin anak to tan ikonsagram ira a papari a manlingkur ed siak.

Maung a Balita Biblia

³⁰ Insan mo poyukan si Aaron tan saray lalakin anak to tan ikonsagram ira a papari a manlingkur ed siak.

Exodo 30:30 Referans Kwoze

Levitico 8:12

Kinonsagra toy Aaron diad impangikalbo tod olo to na larak a panaglana.

Levitico 8:30

Inala nen Moises imay larak ya ipopoyuk tan angala na daiset a dala a walad tapew na altar tan inwalsik tod kinen Aaron tan diad saramay anak to; winalsikan to met iray kawes da. Diad onya inkonsagra to rad Katawan pati saray kawes da.

Exodo 28:3

Paawit mo ray amin a marunong a mandait ya initdan ko na karunongan, tan ibagam ed sikara ya igawaan day Aaron na kawes to, ta sikatoy isaklang a sakey a pari a manlingkur ed siak.

Saray Bilang 3:3

Alanaan iray larak tan nisaklang iran papari;

Exodo 40:15

Insan mo ra lanaan na larak na oliba a singa impanlanam ed ama ra, pian makapanlingkur iran papari ed siak. Sayan panlanam ed sikara gawaen to ran papari ed amin a panaon ya onsabi.”

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Exodo 30:29

Onyay pangisaklang mod saraya, et magmaliw iran sigput a masanto, tan siopaman odino antokaman a makadiwit ed saraya napasakitan lapud pakayari na inkasanto ra.

Exodo 30:31

Ikuanmod saray Israelita, ‘Sayan masanton larak a panagpoyuk et nepeg ya ikana ed panlingkur ed siak diad kapigan man a panaon.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Saray Salmo 133:2

Singa mablin panaglanan larak a managagos ed olo tan balbas nen Aaron, ya anggad kuilyo na kawes to.