Exodo 30:29 - Maung A Balita Biblia

²⁹ Onyay pangisaklang mod saraya, et magmaliw iran sigput a masanto, tan siopaman odino antokaman a makadiwit ed saraya napasakitan lapud pakayari na inkasanto ra.

Maung a Balita Biblia

²⁹ Onyay pangisaklang mod saraya, et magmaliw iran sigput a masanto, tan siopaman odino antokaman a makadiwit ed saraya napasakitan lapud pakayari na inkasanto ra.

Exodo 30:29 Referans Kwoze

Mateo 23:19

Agaylay inkabulag yo! Antoy manona, say imbagat o say altar a mamapasantod imbagat?

Levitico 6:18

Diad amin a panaon ya onsabi siopaman ed saray lalakin kabyangay boleg nen Aaron et nayarin mangan ed saray akeraan ed bagat a trigo tan sikatoy betang da lawas ed saray bagat a popoolan ya insaklang ed Katawan. Siopamay arum a maniwit ed sayan bagat napasakitan na pakayari na inkasanto na bagat.

Exodo 29:37

Gawam ya ed loob na pitoran agew. Diad ontan magmaliw a sigput a masanto so altar, tan siopaman odino antokaman a makadiwit ed sayan altar et napasakitan, lapud pakayari na inkasanto to.

Mateo 23:17

Bubulag, anggapoy kalakal a totoo! Antoy lalon manona, say balituk o say Timplo a mamapasantod balituk?

Exodo 30:28

diad altar a panangisaklangan na bagat a popoolan a pati amin a kagawaan to, tan diad talyasi a pati ansagan to.

Exodo 30:30

Insan mo poyukan si Aaron tan saray lalakin anak to tan ikonsagram ira a papari a manlingkur ed siak.

Levitico 8:11

Angalay daiset ed samay larak tan amimpito ton inwalsik ed altar tan diad saray kagawaan to, diad talyasi, tan say ansagan to a pangisaklang to rad Katawan.

Exodo 40:10

Insan mo isaklang so altar tan amin a kagawaan to diad panamegley na panlanam na larak, et magmaliw a sigput a masanto.

Levitico 8:10

Insan inala nen Moises imay larak a panaglana tan nilanaan to may Tuldan Ayamay Katawan tan amin a wadman ed dalem to, et diad onya insaklang to ran amin ed Katawan.

Saray Bilang 7:1

Diad samay agew ya asumpal nen Moises ya inlira imay Tuldan Ayamay Katawan, nilanaan toy larak tan insaklang to so Tulda tan amin ya kagawaan to; insaklang to met so altar tan amin a kagawaan to.