Exodo 30:13 - Maung A Balita Biblia

¹³ Balang sakey ed saray totoon bilangen et nepeg a mangiter na nakaukolan a bayar onung ed panagsimbang ed santuario. Balang sakey nepeg a bayaran to ya, tan sakey yan bagat ed siak.

Maung a Balita Biblia

¹³ Balang sakey ed saray totoon bilangen et nepeg a mangiter na nakaukolan a bayar onung ed panagsimbang ed santuario. Balang sakey nepeg a bayaran to ya, tan sakey yan bagat ed siak.

Exodo 30:13 Referans Kwoze

Levitico 27:25

Amin a bili nepeg a kuintaen onung ed panagkuinta ed santuario.

Saray Bilang 3:47

Kapag sakey ya anak dondon mo na limaran kuartan pilak, onung ed panagkuintad santuario.

Ezekiel 45:12

“Saraya so nepeg a tombuken yon belat: say duamplon gira kasimbang toy sakey a siklo; say anemaplon siklo kasimbang toy sakey a mina.

Mateo 17:24

Nen sinmabid Capernaum si Jesus tan saray disipulo to, inmasingger iray sumisingil na buis a para Timplo ed kinen Pedro tan tinepet da, “Mambabayar tay Maistro yoy buis a para Timplo?”

Exodo 38:26

Sayan belat et katiponan na amin ya imbayar na amin a totoon binilang; balang sakey a too nambayar na nakaukolan a bayar onung na panagsimbang ed santuario. Say karakel na lakin mantaon na duamplo a mampaatagey a sikaray binilang et anem a lasus tan talon libo liman lasus tan limamplo.

Mateo 27:24

Nen alikas nen Pilato ya anggapoy nagawaan to tan onggagapo lay golo, amaalay danum tan nanoras na lima tod arap na totoo. Inkuanto, “Anggapoy kasalanan ko ed ipatey na sayan too! Makaoley kayo!”

Mateo 21:12

Linmoob si Jesus ed Timplo tan pinataynan to ray manlalako tan mansasaliw diman. Imbabalintuag to ray lamisaan da ray managsalat na kuarta tan saray yorungan da ray managlakoy malapati.

Genesis 23:15

“Mambili labat na apat a lasus a kuartan pilak iman a dalin—piga met la yad sikatan dua? Ipompon mod man so asawam.”

Exodo 30:14

Balang sakey a nabilang, salanti say balang lakin mantaon na duamplo a mampaatagey, et nepeg a mangiter ed siak na sayan babayaran.

Exodo 38:24

Amin a balituk a nisaklang ed Katawan ya inkana rad impamaalagey na Tulda et mambelat na siam a lasus tan siamaplo tan anem a kilo, onung na panagsimbang ed santuario.

Levitico 5:15

No say sakey a too et nankasalanan ya ag to ginagala lapud ag to impangiter na saray babayaran a masantod Katawan, nepeg a mangyakar na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario.

Levitico 27:3

onung ed panagkuinta ed santuario: –matakken a laki, duamplo ya anggad anemaploy taon: limamplon kuartan pilak –matakken a bii: talomplon kuartan pilak –tobun-balon laki, limara ya anggad duamploy taon: duamplon kuartan pilak –tobun-balon bii: samploran kuartan pilak –ogaw a laki, sakey bulan ya anggad limay taon: limaran kuartan pilak –ogaw a bii: taloran kuartan pilak –lakin mantaon na masoluk ya anemaplo: labinliman kuartan pilak –biin mantaon na masoluk ya anemaplo: samploran kuartan pilak

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

Saray Bilang 18:16

Saray pangulowan ya anak nepeg a narondon ira no sakey bulan la ra; say nigetar a panondon ed sikara et limaran pilak a kuarta onung ed panagkuinta ed santuario.

2 Saray Arari 12:5

Makaoley so balang pari ed kuartan iiter na saray panlilingkuran to, tan onung na pankaukolan nikana so kuarta ed pampaapiger na Timplo.