Exodo 3:11 - Maung A Balita Biblia

¹¹ Balet si Moises inkuantod Dios, “Siopa ak ya onarap ed ari tan mangipaway ed Egipto na saray Israelita?”

Maung a Balita Biblia

¹¹ Balet si Moises inkuantod Dios, Siopa ak ya onarap ed ari tan mangipaway ed Egipto na saray Israelita?

Exodo 3:11 Referans Kwoze

1 Samuel 18:18

Inmebat si David, “Siopa ak, tan siopa ray pamilyak, et magmaliw ak a manugang na ari?”

2 CORINTO 3:5

No diad sikamin dili labat, ag mi nipasen a nagnap so pakayari mid sayan gawa; manlalapud Dios so antokaman a pakayari mi.

Exodo 6:12

Balet inmebat si Moises, “Panoy idengel ed siak na ari, anta ag ak dengelen na anggan saray Israelita? Makapoy ak ni met a mansalita.”

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

2 CORINTO 2:16

Sayan balingit samal ed saray nababalang, balet ambalingit tan mangiiter na bilay ed saray nilalaban. Siopay makagawad sayan kimey?

1 Saray Arari 3:9

Kanyan itdan mo ak pay kakabatan a nakaukolan kod matonung a panoley ed saray totoom tan pakaamta na pandomaan na maung tan maoges. Ta no andi, panon kon naoleyan ira yan matalonggaring a totoom?”

1 Saray Arari 3:7

O Katawan a Dios, insalat mo ak ed kinen amak a manari, anggaman ya ogaogaw ak ni tan ag ko amta no panoy panoley.

2 Samuel 7:18

Si Ari David linmoob ed Tuldan Ayamay Katawan, inmirung tan nampikasi, “Aliwak a manepeg, anggan say pamilyak, et antokaman a ginagawam lad siak, Katawan a Dios.

Saray Huis 6:15

Inmebat si Gedeon, “Balet, Katawan, panoy pakapangiliktar kod Israel? Sankaleteyan so boleg ko ed saray boleg na tribu nen Manases, tan siak so saginonur ed amin da ray kabyangay kawalaan kon pamilya.”

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.