Exodo 29:37 - Maung A Balita Biblia

³⁷ Gawam ya ed loob na pitoran agew. Diad ontan magmaliw a sigput a masanto so altar, tan siopaman odino antokaman a makadiwit ed sayan altar et napasakitan, lapud pakayari na inkasanto to.

Maung a Balita Biblia

³⁷ Gawam ya ed loob na pitoran agew. Diad ontan magmaliw a sigput a masanto so altar, tan siopaman odino antokaman a makadiwit ed sayan altar et napasakitan, lapud pakayari na inkasanto to.

Exodo 29:37 Referans Kwoze

Exodo 40:10

Insan mo isaklang so altar tan amin a kagawaan to diad panamegley na panlanam na larak, et magmaliw a sigput a masanto.

Mateo 23:19

Agaylay inkabulag yo! Antoy manona, say imbagat o say altar a mamapasantod imbagat?

Mateo 23:17

Bubulag, anggapoy kalakal a totoo! Antoy lalon manona, say balituk o say Timplo a mamapasantod balituk?

Daniel 9:24

“Mamimpiton pitomplo a taon so karokey na panaon ya inggetar na Dios a pangibolus ed saray totoom tan say masanton siudad mo ed kasalanan tan kaogsan. Napirdona so kasalanan tan niletneg so andi-anggaan ya inkatonung, pian ontua so pasingayew tan say propisiya, tan nisaklang lamet ed Dios so masanton Timplo.

Levitico 8:11

Angalay daiset ed samay larak tan amimpito ton inwalsik ed altar tan diad saray kagawaan to, diad talyasi, tan say ansagan to a pangisaklang to rad Katawan.

Levitico 16:16

Diad onya, si Aaron gawaen toy sirimonya na panlinis ed samay Sankasantosan a Pasen lapud inkarotak na saray Israelita tan lapud kasalanan dan amin. Onyay nepeg ton gawaen ed samay Tulda, lapud manalalagey ed pegley na kampo a marotak onung ed ganggan.

Aggeo 2:12

No bilang ta walay toon sankaawit tod saloy na kawes to so sankategteg a pinasanton karni, insan nisapigar to may kawes to ed tinapay, odino antokaman a niloton kakanen, odino alak, odino larak na oliba, odino antokaman a tagano, magmaliw met man kasin masanton kakanen?” Nen nitepet ya, saray papari inmebat ira, “Andi.”

Levitico 6:11

Insan mansalat na kawes tan iyakar tod paway na kampo ira may dapul diad pasen a malinis onung ed ganggan.

2 Saray Awaran 7:9

Pitoy agew so impangisaklang dad altar tan pitoy agew so impansilibra ra. Nen kaonuran ya agew sinumpal day sirimonya

Ezekiel 43:20

Nepeg a mangala kay dala to, insan mo iyan ed samay pinagkasaklur na tapew na altar, diad saray sokung na samay pegley a parti na altar, tan diad liber-liber na tambib to. Diad onya, nalinisan mo so altar tan nisaklang mod Dios.

Ezekiel 43:25

Inagew-agew ed loob na pitoran agew nepeg a mangisaklang ka na sakey a kanding, sakey a bakan kalakyan, tan sakey a karniron kalakyan a bagat iran para kasalanan. Amin da nepeg ya anggapon balut so deral na laman da.