Exodo 29:26 - Maung A Balita Biblia

²⁶ “Alam so pagew na sayan karniron kalakyan tan iyapay mon nidoma-doman rigalo ed siak. Sayan parti na ayep et kayaryan mo.

Maung a Balita Biblia

²⁶ Alam so pagew na sayan karniron kalakyan tan iyapay mon nidoma-doman rigalo ed siak. Sayan parti na ayep et kayaryan mo.

Exodo 29:26 Referans Kwoze

Levitico 8:29

Insan inala nen Moises so pagew tan inyapay ton sakey a nidoma-doman rigalo ed Katawan. Sikato yay parti a kayaryan nen Moises ed samay karniron inkanad impangonsagra. Ginawa nen Moises so onung na ingganggan na Katawan.

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Levitico 7:34

Say pagew na ayep tan say kawanan a kamanonur ya ulpo to et sakey iran rigalo ya inalay Katawan ed saray Israelita tan inter tod saray papari. Sikato ya so nepeg ya iter na saray Israelita ed saray papari kapigan man a panaon.

Levitico 7:31

Say pari poolan tod tapew na altar imay taba, balet samay pagew kayaryan na saray papari.

Exodo 29:27

“No nikonsagra la so pari, say pagew tan say ulpo na karniron kalakyan ya inkanad pangikonsagra et nepeg ya iyapay a nidoma-doman rigalo ed siak tan nibiig a kayaryan na saray papari.

Levitico 7:30

Sikaton dili so mangawit na sayan bagat a popoolan. Awiten to so taba tan pagew na samay ayep tan iyapay ton rigalo ed Katawan.

Levitico 9:21

tan inyapay ton nidoma-doman rigalod Katawan a para saray papari ira so pagew tan saray kamanonur a sali, onung na ingganggan nen Moises.

Levitico 14:12

Insan say pari alaen to may sakey a kordiron kalakyan tan, katekep na samay taloran tan kapalduan litron larak, isaklang to a bagat a pambayar. Isaklang to a nidoma-doman rigalod Katawan a para pari.