Exodo 29:21 - Maung A Balita Biblia

²¹ Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Maung a Balita Biblia

²¹ Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Exodo 29:21 Referans Kwoze

Saray Hebreo 9:22

Onung ed Ganggan, amin lawarin bengatla et lilinisan na dala; tan no anggapoy onterter a dala, anggapoy pakapirdonay kasalanan.

Levitico 8:30

Inala nen Moises imay larak ya ipopoyuk tan angala na daiset a dala a walad tapew na altar tan inwalsik tod kinen Aaron tan diad saramay anak to; winalsikan to met iray kawes da. Diad onya inkonsagra to rad Katawan pati saray kawes da.

Exodo 29:7

Insan mo alaen so larak a panagpoyuk, ikalbom ed olo to, tan poyukan mo.

Exodo 29:1

“Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Saray Hebreo 10:29

Diad isisip yo, ag kasi lalon ambelat so dusay sakey a toon balawen toy Anak na Dios, murmuraen toy dala ya amabiskeg ed sipanan ya amasantod sikato, tan pabaingan toy mapangasin Ispiritu?

Juan 17:19

Makasengeg ed sikara, imbagat koy bilay kod sika, pian matway pangibagat dad bilay da.

Saray Salmo 133:2

Singa mablin panaglanan larak a managagos ed olo tan balbas nen Aaron, ya anggad kuilyo na kawes to.

Levitico 14:29

Say akeraan ed samay larak a walad daklap to et ipoyuk tod olo na samay too tan diad onya gawaen to so sirimonya na panlinis.

Exodo 29:20

Patey mo may karniro, tan mangala ka na daiset a dala to tan iporanis mod gilig na kawanan a kalayagan di Aaron tan saray anak to; iporanis mo met ed saray kawanan a tangan na kalimaan da tan diad saray kawanan a tangan na kasaliyan da. Isibom ed apatiran dapag na altar so keran dala.

Exodo 29:22

“Gerger moy taba na karniron kalakyan, say taba na ikul, say taba na saray loob-loob, say sankaabigan a parti na altey, saray duaran batuk a pati taba ra, tan say kawanan ya ulpo.

Levitico 8:23

Pinatey nen Moises imay karniro tan angala na daiset a dala insan to imponaris ed gilig na kawanan a layag nen Aaron, diad kawanan a tangan na lima to tan diad kawanan a tangan na sali to.

Levitico 7:35

Sikato yay parti na bagat a popoolan so niiter ed kinen Aaron tan saray anak ton lalaki nen nikonsagra ran papari na Katawan.