Exodo 29:2 - Maung A Balita Biblia

² Ikanam so sankaabigan ya arina, balet ag mo lalaukan na libadura, diad panggawam na tinapay. Igawam ed larak na oliba so arum ya arina, say arum igawam ya anggapoy larak, tan say arum gawam a maimpis a kanen a pinoranisay larak.

Maung a Balita Biblia

² Ikanam so sankaabigan ya arina, balet ag mo lalaukan na libadura, diad panggawam na tinapay. Igawam ed larak na oliba so arum ya arina, say arum igawam ya anggapoy larak, tan say arum gawam a maimpis a kanen a pinoranisay larak.

Exodo 29:2 Referans Kwoze

Saray Bilang 6:15

Mangibagat met na sanbaskit a tinapay ya anggapoy libadura: saray makapal a tinapay ya agawa rad arinan inkames ed larak na oliba tan saray maimpis a tinapay a pinoranisan na larak na oliba. Mangisaklang met ni na saray bagat a trigo tan alak.

1 CORINTO 5:7

Nepeg yon ekaley daan a libadura, say kasalanan, pian magmaliw kayon petepeteg a malinis. Diad ontan mipara kayod balon masa ya anggapoy libadura, ta talagan ontan kayo. Ta nibagat lay Cristo a Kordiro tayon onkanad Paskua.

Saray Bilang 6:19

No alambung lay takeb na samay karniron kalakyan, say pari alaen to tan iyan tod saray lima na samay Nazareo a katekep na sakey a makapal a tinapay tan sakey a maimpis a nanlapu rad samay baskit.

Levitico 8:26

Insan to angalay sakey a tinapay ed samay baskit a kawalaay tinapay ya anggapoy libadura a nisaklang ed Katawan, sakey a tinapay ya inlutod larak, tan sakey a maimpis a tinapay tan intapew to ra ed samay taba tan diad samay kamanonan kawanan a sali.

Levitico 8:2

“Iyakar mod lolooban na Tuldan Ayamay Katawan si Aaron tan saray anak ton lalaki; piawit mod man iray kawes na pari, saray larak ya ilalana, say kilaw na bakan kalakyan ya ibagat a para kasalanan, saray duaran karniron kalakyan, tan say sambaskit a tinapay ya anggapoy libadura.

Levitico 7:12

No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

Levitico 7:10

Balet amin ya ag niluton bagat a trigo, nilaukan man na larak odino andi, kayaryan na amin a lalakin anak nen Aaron tan nepeg a mampaparay betang na sakey ed sikara.

Levitico 2:15

Nepeg a patoroan na larak na oliba tan tapewan na insinso.

Exodo 29:23

Diad sambaskit a tinapay a nisaklang ed siak, mangala ka na sansasakey a tinapay: sakey a tinapay ya inggawad larak na oliba, sakey a tinapay ya ag inggawad larak, tan sakey a kanen a maimpis.

Exodo 12:8

Diad satan a labi ikalut so laman na ayep insan ipangan ed ampait a pising tan diad tinapay ya anggapoy libadura.

Exodo 29:3

Ikargam irad baskit tan ibagat mo rad siak no isaklang mo may bakan kalakyan tan saramay duaran karniron kalakyan.

Levitico 6:13

Nepeg a mandarlang lawas so apoy ed tapew na altar tan ag balut paolyan a naerep.