Exodo 29:18 - Maung A Balita Biblia

¹⁸ Poolan mod tapew na altar so intiron karniro a sakey a bagat a popoolan. Makapaliket ed siak so balingit na sayan bagat.

Maung a Balita Biblia

¹⁸ Poolan mod tapew na altar so intiron karniro a sakey a bagat a popoolan. Makapaliket ed siak so balingit na sayan bagat.

Exodo 29:18 Referans Kwoze

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

Marcos 12:33

Kanyan say too nepeg ton aroen so Dios ed intiron puso to, tan diad intiron nunot to, tan diad intiron biskeg to. Nepeg to met ya aroen so kapara ton too a singa panangaro tod sikaton dili. Lalon maung ni ya, nen say pangibagat na ayayep a poolan ed altar tan say pangisaklang na arum ni ran bagat ed Dios.”

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Isaias 1:11

Kuanto, “Say abaloan yo labay ko ray bagat ya itutuloy yon isasaklang ed siak. Andi! Sinmawa ak la ed saray popoolan yon bagat tan saray taba na saray sankaabigan ya ayayep yo. Ag ko la labay so dala da ray bakan kalakyan, saray karniro tan saray kanding.

Saray Salmo 50:8

Ag ta kayo pamapasnukan lapud saray bagat yo tan saray bagat a popoolan a lawas yon iyaakar ed siak.

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

1 Saray Arari 3:4

Aminsan linmad Gabaon a mangibagat si Solomon, ta dimay kawalaay sankabantugan ya altar. Nilasus la ran ayayep so imbabagat tod man nen saman.

1 Samuel 7:9

Angalay Samuel na onsususo nin kordiro tan pinoolan ton intiro ya imbagat ed Katawan. Insan akikasi a tulongan na Katawan so Israel, et inebatan na Katawan so pikakasi to.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

Levitico 1:17

Benbenan to ray payak tan pisagen to may manok balet ag to ilaus, insan to ipool ya intiro ed tapew na altar. Makapaliket ed Katawan so balingit na sayan bagat.

Exodo 29:25

“Insan mo ra alaen ed sikara tan poolan mo ra ed tapew na altar diad tapew na samay bagat a popoolan; tan sikato yay kakanen a bagat ed siak. Makapaliket ed siak so balingit na sayan bagat.

Genesis 22:13

Linmingaw-lingaw si Abraham tan anengneng toy sakey a karniron kalakyan a say saklur to et nipanget ed abeban kiew. Inala to tan sikatoy insaklang ton bagat a popoolan, aliwa lan samay anak to.

Genesis 22:7

inkuanen Isaac, “Ama!” “Anto man, anak?” ebat to. Tinepet nen Isaac, “Nanenengneng kon walay ngalab tan kiew, balet kawalaay kordiron ibagat?”

Genesis 22:2

“Alam so anak mo,” inkuan na Dios, “say bogbogtung ya anak mon si Isaac ya inararom a tuloy, tan lakad dalin na Moria. Diman mo ibagat ed siak si Isaac diad tagey na palandey ya itorok ed sika.”

Exodo 29:17

Tegtegteg mo may karniro; orasan mo ray loob-loob to tan saray sali to tan iyan mo ra ed tapew na olo to tan saray arum a tegteg.

Levitico 1:9

Samay too et nepeg ton orasan iray loob-loob tan saray sali, insan say parin mangibabagat poolan tod tapew na altar imay intiron bagat. Makapaliket ed Katawan so balingit na sayan bagat.

Levitico 4:31

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar. Makapaliket ed Katawan so balingit na sayan bagat. Diad onya say pari isaklang toy bagat a para kasalanan na sakey a too, et napirdona yan too.

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.