Exodo 29:14 - Maung A Balita Biblia

¹⁴ Balet poolan mod paway na kampo so laman na bakan kalakyan, say katat to tan say pait to; sikatoy bagat a para kasalanan.

Maung a Balita Biblia

¹⁴ Balet poolan mod paway na kampo so laman na bakan kalakyan, say katat to tan say pait to; sikatoy bagat a para kasalanan.

Exodo 29:14 Referans Kwoze

Levitico 4:21

Insan to iyakar ed paway na kampo so baka tan poolan to a singa pamool tod bakan kalakyan a nibagat a para kasalanan to. Sikato ya so bagat a mangekal na kasalanan na katoowan.

Esdras 8:35

Amin a pinmawil a nanlapud arum a bansan nibantakan da et angisaklang irad Dios na Israel na saray bagat a popoolan. Angibagat ira na labinduan bakan kalakyan para amin ya Israelita, anemaplo tan siam a karniron kalakyan, pitomplo tan piton kordiro; angibagat met ira na labinduan kanding pian napaandi ray kasalanan da. Amin da ra ya et bagat a popoolan ed Katawan.

2 Saray Awaran 29:24

Kayari to ya pinatey na saray papari ira may kanding, insan da impaturo ed altar so dala ra a sakey a bagat a pangekal na kasalanan na amin a totoo. Ginawa da ya, ta ingganggan na ari ya isaklangan ya amin iray Israelita na saray bagat a popoolan tan saray bagat a para kasalanan.

Exodo 30:10

Maminsan ed kapag taon gawaen nen Aaron so sirimonya a panlinis ed sayan altar diad pangiporanis tod saray pinagsaklur na altar; say iporanis to et say dala na ayep ya imbagat a pangekal na kasalanan. Gawaen ya a tinaon ed kapigan man a panaon. Sayan altar et nepeg a sigput a masanto, tan nisaklang ed siak a Katawan.”

Levitico 16:27

Say laman na samay baka tan samay kanding ya imbagat a para kasalanan a say dala ra et niakar ed Sankasantosan a Pasen a pangekal na kasalanan, et iyakar irad paway na kampo tan diman ira poolan. Say katat, say karni, tan saray pait et poolan ira.

Levitico 16:11

No ibagat nen Aaron imay bakan kalakyan a para saray kasalanan to tan saray kasalanan da ray kabyangay pamilya to,

Levitico 16:3

Nayarin onloob ed Sankasantosan a Pasen kayari ton angawit na kilaw a bakan kalakyan ya ibagat ton para kasalanan tan say sakey a karniron kalakyan ya isaklang a bagat a popoolan.”

Levitico 9:2

Inkuantod kinen Aaron, “Mangala ka na sakey a kilaw na bakan kalakyan tan sakey a kordiron kalakyan ya anggapoy deral na laman da tan ibagat mo ra ed Katawan, say baka bagat a para kasalanan tan say kordiro bagat a popoolan.

Levitico 8:17

Inala to ray amin ya akeraan ed samay baka pati say katat to, say laman to, tan say pait to, insan to ra pinoolan ed paway na kampo onung na ingganggan na Katawan.

Levitico 6:25

ya iter tod kinen Aaron tan saray anak to iray onggendan a totontonen a nipaakar ed saray bagat a para kasalanan. Say ayep ya ibagat a para kasalanan et pateyen ed nibaybay na altar a dimay panamateyan ed saray ayayep ya ibagat a popoolan. Masanton tuloy yan bagat.

Levitico 5:8

Iyakar to ra ed pari, tan say pari onaen ton isaklang so manok ya ibagat para kasalanan. Yesyesen tod beklew balet ag to ekalen so olo.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Levitico 4:32

No say sakey a too et manyakar na sakey a kordiro ya ibagat ton para kasalanan, nepeg a sakey a kabatyan ya anggapoy deral na laman to.

Levitico 4:29

Itapew tod olo na samay ayep so lima to, insan to pateyen ed nibaybay na altar a diay panamateyan ed saray ayep ya isaklang a bagat a popoolan.

Levitico 4:25

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray suyok na altar a panagpoolan na saray bagat, tan iyibung tod leksab na altar so kerad samay dala.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Saray Bilang 19:5

Nepeg a poolan ed arap na samay pari so intiron baka a pati say katat, karni, dala, tan pait to.

Ezekiel 43:21

Nepeg mon alaen imay bakan kalakyan a nisaklang a bagat a para kasalanan, insan mo poolan ed sakey a niganan pasen diad paway na solar na Timplo.

Malakias 2:3

Dusaen ko ray anak yo tan ingorangur ko ray lupa yo ed saray taiy ayep ya ibabagat yo—insan kayo nibantak ed bunton na taiy ayayep.