Exodo 29:10 - Maung A Balita Biblia

¹⁰ “Iyakar mod arap na Tuldan Ayamay Katawan so bakan kalakyan tan ibagam ed kinen Aaron tan saray lalakin anak to ya itapew dad olo to iray kalimaan da.

Maung a Balita Biblia

¹⁰ Iyakar mod arap na Tuldan Ayamay Katawan so bakan kalakyan tan ibagam ed kinen Aaron tan saray lalakin anak to ya itapew dad olo to iray kalimaan da.

Exodo 29:10 Referans Kwoze

Levitico 8:14

Insan si Moises inyakar to may kilaw na bakan kalakyan ya ibagat a para kasalanan, et si Aaron tan saray lalakin anak to intapew dad olo na samay baka iray kalimaan da.

Levitico 1:4

Samay too itapew tod olo na samay baka so lima to, et diad ontan naawat imay baka a sakey a bagat a mangekal na saray kasalanan to.

Exodo 29:19

“Alam so sananey a karniro tan ibagam ed kinen Aaron tan saray anak to ya itapew dad olo to iray kalimaan da.

Exodo 29:15

“Alam so sakey ed saramay karniron kalakyan tan ibagam ed kinen Aaron tan saray lalakin anak to ya itapew dad olo to iray kalimaan da.

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Levitico 16:21

Itapew ton duay lima to ed olo na samay kanding tan ipatua to dia iray amin a kaogsan, kasalanan, tan kasusumlang na saray totood Israel. Diad onya, niyalis to ra ya ed olo na samay kanding. Samay kanding et ibolus ed kalawakan na sakey a lakin apilin manggawa ed saya.

Levitico 8:18

Kayari to ya, si Moises inyakar to may karniron kalakyan a para bagat a popoolan. Insan si Aaron tan saray lalakin anak to intapew dad oloy ayep iray kalimaan da.

Levitico 3:2

Say too itapew tod olo na samay ayep so lima to tan pateyen tod diad lolooban na Tuldan Ayamay Katawan. Saray paparin anak nen Aaron isibo rad apatiran dapag na altar so dala to may baka,

Exodo 29:11

Patey mod arapan ko so baka diad lolooban na Tulda.

Saray Bilang 8:12

Insan saray Levita itapew da ray kalimaan da ed kaoloan da ra may duaran bakan kalakyan; samay sakey ibagat a para kasalanan tan samay sakey isaklang a bagat a popoolan, pian nagawa so sirimonya na panaglinis ed saray Levita.

Ezekiel 43:23

Kayarim a nagawa ra ya, mangala kay sakey a kilaw na bakan kalakyan tan sakey a karniron kalakyan ya anggapon balut so deral na laman da,

Levitico 4:4

Iyakar tod lolooban na Tulda imay baka, itapew tod olo na baka so lima to, insan to pateyen diman diad arap na Katawan.