Exodo 28:30 - Maung A Balita Biblia

³⁰ Ipeket mod apis na pagew so Urim tan Tummim, pian si Aaron et sankaawit to ra no onloob ed pasen a kawalaan ko. Diad saratan a panaon nepeg ton isolung lawas so sayan apis na pagew, pian naamtaan to so linawak para saray Israelita.

Maung a Balita Biblia

³⁰ Ipeket mod apis na pagew so Urim tan Tummim, pian si Aaron et sankaawit to ra no onloob ed pasen a kawalaan ko. Diad saratan a panaon nepeg ton isolung lawas so sayan apis na pagew, pian naamtaan to so linawak para saray Israelita.

Exodo 28:30 Referans Kwoze

Nehemias 7:65

Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Urim tan Tummim.

Esdras 2:63

Imbagad sikara na gobirnador na saray Judio ya ag ira makapangan na kakanen ya imbagat ed Dios, anggad walay sakey a parin makapangipanon ed Tummim tan Urim.

Deuteronomio 33:8

Nipaakar ed tribu nen Levi inkuanto: “O Katawan, ipaamtam pay linawam diad panamegley na Urim tan Tummim Diad panamegley na saray matoor ya aripen mon Levita; Sinubok mo ra ed dalin na Masa Tan apaneknekan mon matua ra diad danum ed Meriba.

Saray Bilang 27:21

Diad kinen Eleazar a pari, diad pangikana to na Urim tan Tummim so pakaamtaan toy linawak. Onya so pangiwanwan nen Eleazar ed kinen Josue tan amin ya Israelita diad amin a gawaen da.”

Levitico 8:8

Insolung tod sikato so apis na pagew tan inyan to dia so Urim tan Tummim.

Saray Hebreo 4:15

Sayan Pangulon Pari tayo walay pililikna tod saray kakapoyan tayo, ta asali ton singa sikatayo so amin a klasiy tukso, balet ag nankasalanan.

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.

Saray Hebreo 9:24

Ta si Cristo ag linmoob ed masanton pasen a ginaway too, a kaparpara labat na petepeteg a pasen. Ingen, linmoob ed tawen tan ilalaman to itayo ed arap na Dios.

Saray Hebreo 9:12

Amimpinsan a linmoob ed Sankasantosan a Pasen si Cristo, tan duga la man. Aliwan dala na saray kanding tan saray kilaw a baka so inawit ton ibagat, no ingen ag say dilin dala to, tan lapud saya inggamuran to itayoy karondon ya andi-anggaan.

Zacarias 6:13

Sikato so mangipaalagey ed Timplo tan awaten to so kagalangan na sakey ya ari tan oleyan to ray totoo to. Manalagey ed abay na trono to so sakey a pari tan mankimey iran dua a mareen tan maliket.’

Saray Huis 1:1

Kayariy impatey nen Josue saray Israelita tinepet dad Katawan, “Dinan ed saray tribu mi so ononan onla ya ondogpad saray Cananeo?”

Saray Hebreo 2:17

Kanyan kinaukolan a magmaliw a singa saray agagi to diad amin a pamaakaran. Diad ontan nagmaliw a maabagey tan matoor a Pangulon Pari ra diad panaglingkur tod Dios, pian napaandi ray kasalanan na saray katoowan.

2 CORINTO 12:15

Maliket ak a mangiter na amin a kayaryan ko, anggan say bilay ko, no onkanad pankaabigan yo. Melag labat so pangaro yod siak, anta inararo ta kayo?

2 CORINTO 7:3

Ibabagak ya, aliwan say sintinsiaan ta kayon nadusa. Ta singa samay imbagak la, inararo mi kayo tan manoolup itayod bilay o patey.

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

Exodo 28:29

“No onloob si Aaron ed Masanton Pasen, isolung to so apis na pagew ya akaitatakan na kangaranan na saray boleg na Israel, pian siak a Katawan et nanunotan ko lawas iray totook.