Exodo 28:20 - Maung A Balita Biblia

²⁰ diad kumapat a dasig, peketan mo na sakey a baton birilo, sakey a kornalina, tan sakey a haspi. Ipeket mo ra ya ed panangipatoonan a balituk.

Maung a Balita Biblia

²⁰ diad kumapat a dasig, peketan mo na sakey a baton birilo, sakey a kornalina, tan sakey a haspi. Ipeket mo ra ya ed panangipatoonan a balituk.

Exodo 28:20 Referans Kwoze

Puyan 21:11

Maliwliwawa yan siudad lapud walad sikatoy kagalangay Dios; mankidyam a singa alahas a haspi, tan malinew a singa kristal.

Puyan 4:3

Say lupa to may akayorung mankidyam a singa ra batoy alahas a haspi tan kornalina. Aliber so trono na bonlalakaw ya ismiralda so kolor to.

Daniel 10:6

Mankidyam a singa alahas so laman to. Singa kirmat so liwaway lupa to, tan singa mandarlang ya apoy iray mata to. Mansiayap a singa pinasileng a gansa iray taklay tan bikking to, tan makmaksil a singa ungol na olup na dakerakel a totoo so bosis to.

Ezekiel 10:9

Anengneng ko met a wala ray apatiran nampaparan dalig, a balang sakey walad abay na sakey a pinalsa. Mankidyam a singa mabmablin bato ira may dalig, tan balang dalig walay akasolung a dalig ya akaarap ed sananey a dapag.

Ezekiel 1:16

Nampapara ira may dalig; mankidyam a singa mabmablin bato so balang sakey ed sikara, tan balang dalig walay akasolung a dalig ya akaarap ed sananey a dapag.

Exodo 28:19

diad kumatlon dasig, peketan mo na sakey a baton hasinto, sakey ya agata, tan sakey ya amatista;

Exodo 28:21

Diad kapag sakey ed sarayan labinduan bato say sakey a ngaran na lakin anak nen Jacob et itatak; sikaray pakanudnunotan ed saray labinduan tribu na Israel.

Kanta nen Solomon 5:14

Maimimos iray gamet to, tan akasingsing na saray nambato. Say laman to et singa pino-pinon garing, ya akotepan na saray sapiro.