Exodo 28:1 - Maung A Balita Biblia

¹ “Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Maung a Balita Biblia

¹ Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Exodo 28:1 Referans Kwoze

Saray Bilang 18:7

Balet sika tan saray anak mo labat so manggawa na saray susumpalen na inkapari a nipaakar ed altar tan antokaman a walad dalem na Sankasantosan a Pasen. Sika so makaoley ed sarayan bengatla, ta sikay angipalaboan ko na inkapari. Pateyen so siopamay toon aliwan manepeg ya onsingger ed saray masanton bengatla.”

1 Saray Awaran 6:10

Azarias (say parin nanlingkur ed Timplon impaalagey nen Ari Solomon ed Jerusalem),

Deuteronomio 10:6

Saray Israelita nampikal ira a manlapud saray bobun a kayaryan na saray totood Jaakan, tan linma rad Mosera. Inatey diman si Aaron tan diman met nipompon, tan say anak ton laki a si Eleazar so sinmalat ed sikaton pari.

Saray Bilang 26:61

Inatey ira di Nadab tan Abiu nen angyapay irad Katawan na aliwan masanton apoy.

Levitico 10:12

Si Moises inkuantod kinen Aaron tan saray nakdaan a lalakin anak to a di Eleazar tan Itamar, “Ala yoy bagat a trigo ya akeraan ed bagat a popoolan ed Katawan, gawa yon tinapay ya anggapoy libadura insan yo kanen ed abay na altar, lapud masanton tuloy yan bagat.

Levitico 10:1

Di Nadab tan Abiu a lalakin anak nen Aaron inala ra so pananginay insinso na balang sakey ed sikara, kinargaan da ra na ngalab, tinapewan da ra na insinso, insan da ra inyapay ed Katawan. Balet aliwa yan masanton apoy, ta say Katawan ag to ra ingganggan ya iyapay da.

Levitico 8:2

“Iyakar mod lolooban na Tuldan Ayamay Katawan si Aaron tan saray anak ton lalaki; piawit mod man iray kawes na pari, saray larak ya ilalana, say kilaw na bakan kalakyan ya ibagat a para kasalanan, saray duaran karniron kalakyan, tan say sambaskit a tinapay ya anggapoy libadura.

Exodo 35:19

tan saray balibalin kawes na saray pari ya isolung da no manlingkur ira ed Masanton Pasen—saray masanton kawes nen Aaron a pari tan saray lalakin anak to.”

Exodo 31:10

saray balibaliy inkagawan kawes na pari a para si Aaron tan saray anak ton lalaki ya ikana ra no manlingkur iran papari,

Exodo 30:30

Insan mo poyukan si Aaron tan saray lalakin anak to tan ikonsagram ira a papari a manlingkur ed siak.

Exodo 29:44

Gawaen kon masanto so Tulda tan say altar, tan gawaen ko met a masanto si Aaron tan saray anak ton lalaki, pian makapanlingkur iran papari ed siak.

Exodo 29:9

balabalan mo rad awak tan isinger mod kaoloan da so sakub na toktok na olo. Ontan so pangikonsagram ed kinen Aaron tan saray lalakin anak to. Sikara tan saray kabyangay boleg da et nepeg a manlingkur iran papari ed siak diad ando lan ando.

Exodo 29:1

“Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Exodo 24:9

Kinmalab ed palandey ira di Moises, Aaron, Nadab, Abiu, tan saray pitomplon pangulo na Israel,

Exodo 24:1

Say Katawan kuantod kinen Moises, “Laen yo ak ed palandey, sikayo di Aaron, Nadab, Abiu, tan saray pitomplon pangulo na Israel; no arawi ki ni tuek kayo lan mangigalang ed siak.

Exodo 6:23

Si Aaron inasawa toy Eliseba ya anak nen Aminadab tan agi nen Naazon; saray anak da et di Nadab, Abiu, Eleazar, tan Itamar.

Lucas 1:8

Aminsan ya agew, si Zacarias manlilingkur a sakey a pari ed arap na Dios, ta asabi lay liber na kawalaan ton olup na papari.

2 Saray Awaran 11:14

Tinaynan na saray Levita iray pastolan da tan saray arum nin dalin da, insan linma rad Juda tan Jerusalem, lapud si Ari Jeroboam na Israel tan saray sinmalat ed sikato et ag da ra panlingkuren a papari na Katawan.

1 Samuel 2:28

Diad saray amin a tribu na Israel, pinilik iray kabyangay pamilya to a magmaliw iran paparik, manlingkur ed altar, mamool na insinso, tan mansolung na ipod no mangipanon irad siak. Inter kod sikaray kanepegan a mangalay betang da ed saray bagat a popoolan.

1 Saray Awaran 23:13

Si Amram so pangulowan tan sikatoy ama di Aaron tan Moises. (Si Aaron tan saray kabyangay boleg to et apili ran makaoley ya anggad angga ed saray masanton bengatla, mampool na insinso diad arapan na Katawan, manlingkur ed sikato, tan mamindision ed saray totoo diad ngaran na Katawan.

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Levitico 7:35

Sikato yay parti na bagat a popoolan so niiter ed kinen Aaron tan saray anak ton lalaki nen nikonsagra ran papari na Katawan.

Levitico 8:1

Say Katawan kuantod kinen Moises,

Deuteronomio 18:5

Diad amin da ray tribu yo say Katawan pinili to ray kabyangay tribu nen Levi a manlingkur irad sikato a papari ya anggad angga.

1 Saray Awaran 6:34

si Samuel anak nen Elcana ya anak nen Jeroham ya anak nen Eliel; si Eliel anak nen Toah

Saray Salmo 115:10

Manmatalek kayod Katawan, sikayon papariy Dios. Tutulongan tan iyaagel to kayo.