Exodo 27:9 - Maung A Balita Biblia

⁹ “Say Tuldan Ayaman na Katawan et igawaan mo na saray pinon linen a kurtina a pinagkaalar to. Diad dapag ya abalaten say karokey na kurtina et limamplon yarda,

Maung a Balita Biblia

⁹ Say Tuldan Ayaman na Katawan et igawaan mo na saray pinon linen a kurtina a pinagkaalar to. Diad dapag ya abalaten say karokey na kurtina et limamplon yarda,

Exodo 27:9 Referans Kwoze

Ezekiel 42:3

Say sakey a dapag to akaarap ed liwang a samplora tan kapalduay mitro so kaawang to tan midasig ed samay Timplo; say sakey a dapag to akaarap ed dalan na samay patiod paway. Taloran grado yan paalagey tan say walad tagey a grado nisener ed gradon walad leksab to.

Ezekiel 40:44

Insan samay laki inyakar to ak ed patio ed dalem. Walad may duaran kuarto, say sakey akaarap ed baybay diad abay na samay dalan na puirtad baybay tan say sakey a kuarto akaarap ed baybay diad abay na dalan na puirtad abalaten.

Ezekiel 40:32

Samay laki inlabas to ak ed dalan na puirta ed bokig nen inyakar to ak ed patio ed dalem. Sinukat to may dalan na puirta, et kapara na kabaleg na saray arum.

Ezekiel 40:28

Samay laki inlabas to ak ed dalan na puirtad sagur nen inyakar to ak ed patio ed dalem. Sinukat to may dalan na puirta, et kapara na kabaleg na arum iran puirtad paway na padir.

Ezekiel 40:23

Diad kabasil na patio manlapud sayan dalan na puirtad baybay et walay sananey a dalan na puirta a mamaarap ed patiod dalem, a singa samay walad bokig a dapag. Samay laki sinukat toy karokey na nanleetan na sarayan duaran dalan na puirta, et walay limamplo tan duan mitro.

Ezekiel 40:20

Insan sinukat na samay laki so dalan na puirtan walad baybay a dapag a mamaarap ed patio ed paway.

Ezekiel 40:14

Say kuarton walad bandad samput et ompaway ed patio. Sinukat to man a kuarto, et samploran mitro so kaawang to.

Saray Salmo 100:4

Loob kayod saray puirta na Timplo a misasalamat kayo; laka yod saray patio to a mangidadayew kayo. Misalamat tan mangidayew kayod sikato.

Saray Salmo 92:13

Singa ra kiew ya intanem ed abung na Katawan, ya onsasalumpapak ed Timplo na Dios tayo;

Saray Salmo 84:10

Say sanagew a panayam ed Timplom et magmaung ni nen say sanlibon agew a panayam ed arum a pasen; labay ko niy manalagey ed puirtay abung na Dios ko, nen say manayam ed tulda na saray totoon maoges.

2 Saray Awaran 33:5

Diad duaran patio na Timplo nanggawa na saray altar a pangigalangan ed saray bitewen.

1 Saray Arari 8:64

Diad saman met ya agew insaklang met nen Solomon ed Katawan so pegley a parti na patio a walad arap na Timplo, insan angisaklang diman na saray bagat a popoolan, saray bagat a trigo, tan say taba na saray bagat a para kareenan. Dia to ra insaklang ta say gansan altar et melag a pangisaklangan ed sarayan bagat.

1 Saray Arari 6:36

Nipaalagey ed arap na Timplo so patio; aliber na padir a walay sidron panuksolan ed tapew na kapag mikatlon tinabas a bato.

Exodo 40:8

Iliram so pinagkaalar to tan ibitin mod lolooban to so kurtina to.

Exodo 39:40

saray kurtina na pinagkaalar a pati saray lusek to tan saray dapan to; say kurtina na lolooban na pinagkaalar tan saray lobir to; saray palpal na Tulda; amin a kagawaan ya ikana ed dalem na Tulda;

Exodo 36:17

Pineketan da na limamplon panagkawitan so gilig na samput a kurtina ed samay sakey ya impansasaip tan limamplo met so samput a kurtina ed samay sakey.

Exodo 27:10

isabit ira ed duamplon gansan lusek a nipatoon ed duamplon dapan a gansa, tan wala ray pilak a panagkawit tan sangal da.

Exodo 35:17

saray kurtinan pinagkaalar na Tulda, saray lusek to tan saray dapan to; say kurtina na pinagkaalar;

Exodo 40:33

Inlira nen Moises so pinagkaalar ed kaliber-liber na Tulda tan altar, insan imbitin tod lolooban na samay pinagkaalar so kurtina. Ontan sirin asumpal to iray amin a kimey.

Saray Bilang 3:26

saray kurtina na solar a walad kaliber-liber na Tulda tan say altar, tan say kurtina na lolooban na solar. Sikaray makaoley ed amin a kimey a nipaakar ed sarayan bengatla.

Saray Bilang 4:26

saray kurtina tan saray lobir a para solar ed kaliber-liber na Tulda tan say altar, saray kurtinad lolooban na solar tan amin ya ikakanad pangilira ed sarayan kagawaan. Gawaen day amin a kimey a nakaukolan ed sarayan bengatla.

Saray Bilang 4:32

tan saray lusek, dapan, palpal, tan saray lobir na solar ed kaliber-liber na Tulda, a pati saray ikakanan pangilira ed saraya. Makaoley so balang sakey a mangawit na sakey a bengatla.

2 Saray Awaran 4:9

Nanggawa met na patio ed dalem a para papari, tan say patio ed paway. Saray kaput da ray puirta ed nanleetan na saramay duaran patio et naokupan ira na gansa.

Ezekiel 40:17

Samay laki inlabas to ak ed dalan na puirta nen inyakar to ak ed patio. Walay talomplon kuarto a nisiping irad bandad paway na padir, tan diad arap na sarayan kuarto walay liwang a batoy datal to,