Exodo 25:30 - Maung A Balita Biblia

³⁰ Diad tapew na lamisaan mangyan ka lawas na tinapay a nibagat ed siak.

Maung a Balita Biblia

³⁰ Diad tapew na lamisaan mangyan ka lawas na tinapay a nibagat ed siak.

Exodo 25:30 Referans Kwoze

Mateo 12:4

Linma rad abung na Dios tan kinan da may tinapay ya imbagat ed Dios. Sumpad Ganggan a kanen da man a tinapay, ta saray papari labat so nayarin mangan ed saman.

Exodo 39:36

say lamisaan tan amin a kagawaan to, tan saray tinapay a nibagat ed Dios;

Malakias 1:12

Balet ag yo ak papagalangan nen kuanyo ya andi-kakanaan so altar ko tan isasaklang yod altar ko so ag yo labalabay a kakanen.

Malakias 1:7

Onyay pamabalaw yod siak—mangibabagat kayoy andi-kakanaan a kakanen ed altar ko. Insan tetepeten yo, panoy ag mi impamagalang ed sika? Ibagak ed sikayo—diad ag yo pangingalngalep ed altar ko.

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

1 Saray Awaran 23:29

Sikara met so makaoley ed saray tinapay ya imbagat ed Dios, diad arinan inkana ed saray panagbagat, diad saray maimpis a tinapay ya anggapoy libadura, diad saray bagat ya inggawan kanen, tan diad arinan inkames ed larak; sikara met so makaoley ed panagsimbang tan panagsukat na saray bagat ed Timplo.

1 Saray Awaran 9:32

Saray kabyangay boleg nen Core so makaoley ed panagparaan ed saray masanton tinapay a para Timplo kapag Agew na Panagpainawa.

1 Samuel 21:6

Kanyan inter na pari ed kinen David so masanton tinapay, ta say wala labat et saray tinapay ya insaklang ed Dios a sikaray inekal lad masanton lamisaan tan sinalatan lay kapanggawan tinapay. (

Saray Bilang 4:7

Apisan da na asul ya abel so lamisaan a panangisaklangan na tinapay ed Katawan, insan da itapew diman iray plato, saray yaung a pananginay insinso, saray yaung a pananginay bagat, tan saray ankelag a pasig a pananginay bagat ya alak. Nepeg a walay tinapay lawas ed lamisaan.

Exodo 35:13

say lamisaan, saray tiken to tan amin a kagawaan to; saray tinapay ya inyapay ed Dios;

Saray Hebreo 9:2

Nipaalagey so sakey a tulda, say walad bandad paway a tatawagey Masanton Pasen. Diay kawalaan na panangipatoonan na lamparaan tan say lamisaan a kawalaay tinapay ya imbagat ed Dios.

Exodo 40:4

Iyan mod loob na Tulda so lamisaan tan yan mod tapew to iray kagawaan to. Iloob mo met so panangipatoonan na lamparaan tan iliram iray lamparaan.

Exodo 40:23

tan inyan tod tapew to iray tinapay ya imbagat ed Katawan, onung na ingganggan na Katawan.

1 Samuel 21:4

Inkuan na pari, “Anggapoy tinapay ko, no ag say masanton tinapay labat; nayarian mon alaen no saray totoom et ag ira akiakdul ed bii nen imbeneg iran agew.”

1 Saray Arari 7:48

Nanggawa met si Solomon na saray balituk a kagawaan a para Timplo: say altar, say lamisaan a para masanton tinapay,

2 Saray Awaran 2:4

Mamapaalagey ak na timplo tan dia kami mangigalang ed sikato diad pampool mi na insinson agawa rad ambalbalingit iran rikado; dia kami met mangisaklang ya andi-tonda na bagat a tinapay, tan dia met so pangisaklangan mi na saray bagat a popoolan kapag kabwasan tan labi, no Agew na Panagpainawa, no Pistay Balon Bulan, tan no arum iran masanton agew a pamagalang ed Katawan a Dios mi. Ingganggan to ya ed saray Israelita a gawaen dan ando lan ando.

Ezekiel 41:22

altar a tabla. Sakey tan kapalduay mitro so kaatagey to tan sakey a mitro so kaawang to. Kiew iray lusek tod suyok, say nidapod datal, tan saray dingding to. Samay too inkuantod siak, “Sikato yay lamisaan a manalalagey ed arap na Katawan.”

1 Samuel 21:5

“Talagan andi,” ebat nen David. “Ag papaolyan na saray totook a malinis ira onung ed ganggan, anggan ordinario so pegdat mi; insan la natan, ta nidomay pegdat mi!”

2 Saray Awaran 2:3

Impaikuanen Solomon ed kinen Ari Hiram na Tiro: “Lakoan mo ak met na tablan sidro a singa samay impangilakom ed amak ya Ari David nen amaalagey na palasio ra.