Exodo 24:7 - Maung A Balita Biblia

⁷ Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”

Maung a Balita Biblia

⁷ Insan to inala so libro na sipanan, tan maksil ton imbasa ed saray totoo. Inkuanda, Onuren mi so Katawan tan gawaen mi ray amin ya ingganggan to!

Exodo 24:7 Referans Kwoze

1 TESALONICA 5:27

Ipupurek kod sikayo, diad pakayari na Katawan, ya ibasa yo yan sulat ed amin da ray agagi.

COLOSAS 4:16

Kasumpal yon nabasa yan sulat, ipabasa yo pa met ed iglisia a walad Laodicea. Basa yo met ed satan so sulat a manlapud man.

Saray Gawgawa 13:15

Kasumpal na impangibasay pigaran parti na Libroy Ganggan tan saray sulat da ray propita, impaibagad sikara na saray opisyal na sinagoga: “Agagi, no walay labay yon isimbawa ed saray totoo, mansalita kayo!”

Exodo 19:8

Insan amin a katoowan nambabansag iran inmebat, “Gawaen miy amin ya imbaga na Katawan.” Si Moises imbaga to ya ed Katawan.

Josue 24:24

Inkuan sirin na saray totoo ed kinen Josue, “Manlingkur kamid Katawan a Dios tayo. Onuren mi ray ganggan to.”

1 Saray Arari 8:9

Anggapoy arum a karga to may Kaban na Sipanan likud labat ed saramay duaran tapyak a bato ya inyan nen Moises diman nen walad Palandey na Sinai, nen akisipanan so Katawan ed saray Israelita nen tataynan day Egipto.

Saray Salmo 50:5

Ibabaga to: “Tipon yod arap ko iray matoor a totook, saray akisipanan ed siak diad impangisaklang day bagat.”

Saray Salmo 78:36

Balet tilan amiy salita ra, tan lastug ya amiy imbaga ra.

Jeremias 34:13

a Dios na Israel imbaga tod siak ya ikuanko yan salita tod saray totoo: “Akisipanan ak ed saray lalaki yo nen impaway ko rad Egipto tan imbolus ko rad inpakaaripen da. Imbagak ed sikara

Jeremias 42:6

Maung may maoges so kipaakaran to, onuren miy Katawan a Dios tayo a kekerewen min pangipikasian yod sikami. No ontoluk kamid sikato, maung ya amin so pansumpalan mi.”

Ezekiel 16:8

“Nen ondadalan ak lamet, anengneng kon sinmabi lay panaon na panibeg mo. Kinobutan ko na latup ko so laman mo tan insipan kon aroen ta ka. Akisipanan ak ed sikan asawaen ta ka, et sikay nagmaliw a kien ko.” Sikato yay imbaga na Katawan a Dios.

Malakias 2:10

Ag ta saksakey so ama tayo? Ag ta saksakey a Dios so amalsad sikatayon amin? Akin sirin et ag tayo susumpalen so sipan tayod sakey tan sakey, tan akin et babalawen tayoy impisipanan na Dios ed saray lalaki tayo?

2 Saray Awaran 15:14

Inkasikasil day nansamba ed ngaran na Katawan a sumpalen day impisipanan da, insan ira inmeyag, tan amaknul na saray trumpita tan saray tambuyog.