Exodo 23:6 - Maung A Balita Biblia

⁶ “Ag yo pipikeweten so katonungan na mairap-bilay no onapireng ed korti.

Maung a Balita Biblia

⁶ Ag yo pipikeweten so katonungan na mairap-bilay no onapireng ed korti.

Exodo 23:6 Referans Kwoze

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Jeremias 5:28

no akin et matataba ra tan maung so kapapakan da. Anggapoy anggaay panaggawa ray kaogsan; ag da iiter so katonungan da ray olilan sigput odino ipapanengneng so kaptekan ed saray napapairap.

Ecclesiastes 5:8

Ag mo pankelawan no nanengneng mon papairapen na gobirno iray mairap-bilay tan ag to iter ed sikara so katonungan da tan say kanepegan da. Ta balang opisyal iyaagel na opisyal ya atagey nen say sikato, tan iyaagel iran dua na saray opisyal ya atagtagey nen say sikaran dua. Say ari so sankatageyan ed amin ya opisyal tan napanoleyan toy amin a dalin a sakop to.

Deuteronomio 27:19

“‘Napelag komun so samba na Dios ed siopaman ya ag mangiter na kanepegan da ray sangkaili, saray olila, tan saray bibiin balo.’ “Insan onebat iray amin a totoo, ‘Amen!’

Deuteronomio 16:19

Ag nepeg a pikeweten da so katonungan o walay lalabien da ed panagsintinsia ra; ag ira nepeg a mangawat na pasoksok, ta bulagen to ray anggan makabat tan matonung a totoo, et natanggoyur la ran mamikewet na katonungan.

Levitico 19:15

“Nepeg a maptek tan matonung so pangiter yoy sintinsia; ag yo kikilingan so toon mairap-bilay, ni tatakotan so toon mayaman.

Jeremias 7:6

Tondaan yoy panamairap yod saray sangkaili, saray olilan sigput, tan saray balo. Tondaan yoy panagpatey yo diad sayan dalin na saray totoon anggapoy kasalanan. Tondaan yoy panangigalang yod saray arum a diriyos, ta deralen to kayo.

Jeremias 6:28

Diad gaway awet na olo ran amin onlalaban ira; liber-liber iran mantatalabutob. Anawet a singa gansa tan balatyang so kapusoan da; marotak so kagagawa ran amin.

Say Libro nen Job 31:13

Nen nanriklamo ed siak so sakey ed saray aripen ko, dinengel ko tan ginawak so kanepegan ko.

2 Saray Awaran 19:7

Takotan yoy Katawan tan apiger yoy antokaman a gawaen yo, lapud say Katawan a Dios tayo et ag to labay so pamikewet ed katunongan, odino say panaglabi, odino say pangawat na pasoksok.”

1 Samuel 8:3

Balet ag da inalig so ama ra; kayamanan labat so pilalek dan nagamuran, kanyan nanaala ray pasoksok tan pinipekewet day katunongan.

Probirbio 18:5

Aliwan maung a pilaan so toon walay kasalanan tan ekalan na katonungan so anggapoy kasalanan.

Probirbio 22:22

Ag mo tatakewan so mairap-bilay lapud sarasarag mo; ag mo aanamutey pankanawnawam a mamairap ed saray totoon anggapoy nayarian no wala kayod korti.

Probirbio 31:5

No oninom ira nalingwanan da ray ganggan tan napaolyan da la ray kanepegan na saray walad pankaukolan.

Isaias 5:23

Balet lapu labat ed sakey a pasoksok ibobolus yo la ray totoon nankasalanan, tan sesebelan yon makagamur na katonungan iray anggapoy kasalanan.