Exodo 23:19 - Maung A Balita Biblia

¹⁹ “Iyakar yo ed abung na Katawan a Dios yo so sankaabigan ya onaan a trigon naani yo. “Ag yo ilulutod gatas na ina to so kordiro odino kilaw na kanding.

Maung a Balita Biblia

¹⁹ Iyakar yo ed abung na Katawan a Dios yo so sankaabigan ya onaan a trigon naani yo. Ag yo ilulutod gatas na ina to so kordiro odino kilaw na kanding.

Exodo 23:19 Referans Kwoze

Exodo 34:26

“Kapag taon iyakar yod abung na Katawan a Dios yo so ononan trigon naani yo. “Ag yo ilulutod gatas na ina to so kordiro odino kilaw na kanding.”

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

Deuteronomio 26:10

Kanyan natan iyakar kod Katawan so sayan ononan naani ya inter tod siak.’ “Insan iyepas yon ilira ed arap na Katawan imay baskit tan mangigalang kayod man.

Nehemias 10:35

Iyakar min tinaon ed Timplo so bagat ya ononan naani mi tan say ononan aluton bungay kiew mi.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Deuteronomio 26:2

balang sakey ed sikayo et nepeg a mangikargad sakey a baskit na onona ran naani yo a bunga na saray tanaman yo, insan yo iyakar ed samay pasen a panangigalangan.

Puyan 14:4

Sikaray lalakin malinis, ta ag iran balut akiakdul ed saray bibii; ag met ira angasawa. Ontotombuk irad samay Kordiro ed inerman a laen to. Diad amin a katoowan ed intiron mundo, sikaray arondon; sikaray onaan a nisaklang ed Dios tan say Kordiro.

1 CORINTO 15:20

Balet say katwaan et naolid bilay si Cristo a pamaneknek a naolid bilay iray inaatey.

Jeremias 10:3

Andi-kakanaan so rilihion da ra yan totoo. Abatang ed takel so sakey a kiew; tinatabtaban na kagawaan na marunong ya iskoltur,

Probirbio 12:10

Say toon matonung kokomponien to ray ayayep to, balet saray totoon maoges maruksa ed saray ayayep da.

Probirbio 3:9

Pagalangan moy Katawan diad panamegley na pangibagat mod sikato na sankaabigan a bungay dalin mo.

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

Saray Bilang 15:21

Diad amin a panaon ya onsabi, sayan nidoma-doman bagat a tinapay et nepeg ya iter yod Katawan.

Nehemias 10:36

Iyakar mid saray papari a manlilingkur ed Dios diad Timplo so pangulowan ya anak min laki, ta isaklang mid Dios, onung na ibabagay Ganggan. Iyakar mi met so besag a kilaw na baka mi tan say besag a kilaw na karniro mi odino say besag na kanding mi.

Ezekiel 44:30

Kayaryan na saray papari so sankaabigan ed amin da ray onaan a naani tan amin da ray nibagat ed siak. Kapag manggawa na tinapay iray totoo, nepeg ya iter da ed saray papari so ononan tinapay a bagat da, et mansiansia so bindision ko ed saray kaabungan da.

Ezekiel 48:13

Nepeg a saray Levita et nawalaan met ira na nidoma-doman pasen, diad niabalaten na parti da ray papari. Nakaukolan met a labinduan kilomitro so karokey to manlapud bokig ya anggad sagur, tan limaran kilomitro so kaawang to manlapud baybay ya anggad abalaten.

Ezekiel 48:14

Sankaabigan a parti ed intiron dalin so pasen a nisaklang ed Katawan, tan anggapoy antokaman a parti na sayan pasen a nilako, nisalat, odino nialis ed siopaman. Masanto yan pasen tan kayaryan na Katawan.