Exodo 23:1 - Maung A Balita Biblia

¹ “Ag yo iwawakawak so tila-tilan balita, tan ag yo tutulongan so toon nankasalanan diad pantasi yo na tila.

Maung a Balita Biblia

¹ Ag yo iwawakawak so tila-tilan balita, tan ag yo tutulongan so toon nankasalanan diad pantasi yo na tila.

Exodo 23:1 Referans Kwoze

Saray Salmo 101:5

Paarawien koy siopaman a beneg-benegan a mamapaoges ed kapara ton too; ag ko anosan so too a mapaatagey tan malastug.

Probirbio 19:5

No mantila ka ed korti andi-saew a nadusa ka—ag ka makapaliis.

Exodo 20:16

“Ag ka mantitila no mantasi ka sumpad kaparam a too.

Saray Salmo 35:11

Saray totoon maoges mantatasi ra sumpad siak, tan iyaakusa rad siak iray kasalanan ya ag kon balut ginawa.

Deuteronomio 5:20

“‘Ag ka mantitila no mantasi ka sumpad kaparam a too.

Levitico 19:16

Ag yo tatalabutoben so siopaman, tan no walay toon nidalem ed korti a nayarin nasintinsiaan na patey, mantasi kayo no say pantasi yo et natulongan to. Siak so Katawan.

Puyan 12:10

Insan nadngel koy maksil a bosis ed tawen ya inkuanto, “Sinmabi lay pangilabay Dios! Impanengnengto lay pakayari ton Ari! Impanengneng la na Cristo so pakaoley to! Ta apataynan lad tawen so mangaakusan agew-labi ed saray agagi tayo, diad arap na Dios.

Saray Taga Roma 3:8

Akin et ag tayo ikuan sirin, “Manggawa itayoy kaogsan, pian mambungay kamaungan”? Diad pamaoges na saray arum ed sikami, inkuanda ya imbaga mi ya kono! Say dusan kanepegan da so niiter ed sikara.

Probirbio 19:9

Anggapoy toon mantitila ed korti a napaliisan toy dusa; asintinsiaan lan ompatey.

1 Pedro 3:16

Balet nepeg a maoyamo tan mapagalang kayod panagebat yo. Pansiansia yon malinis so konsinsia yo, pian nabaingan iray mamaoges ed panggawa yoy kamaungan diad itombuk yod Cristo.

2 Timoteo 3:3

ag da amtay mangasi tan mangabagey ed kapara ran too, managderal iray kagalangay arum, maruksa tan masebeg ira; bosulen day kamaungan;

TAGA-EFESO 4:25

Kanyan ag ki la mantitila, no ag ingen salita yoy katwaan ed agagi yo, ta kabyangan itayon amin na saksakey a laman.

Probirbio 24:28

Ag ka mantatasi na sumpad kaparam a too likud no walay makasengeg, odino mangibabaga na saray bengatlan makapalikdon nipaakar ed sikato.

Probirbio 21:28

Ag napanisiaan so panagtasi na toon matila, balet napanisiaan so siopaman ya aralem so pannununot tod bengatla.

Probirbio 10:18

Matila so toon iyaamut toy panagbosul to. Makulang-kulang so toon managtalabutob.

Saray Salmo 15:3

tan ag to papaogesey kapara ton too. Ag manggagaway maoges ed saray kakaaro to, tan ag mangikakayat na tila nipaakar ed kapara ton too.

Levitico 19:11

“Ag kayo mantatakew odino manasaol odino mantitila.

Lucas 19:8

Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Lucas 3:14

Wala met iray sondalon nantepet, “Sikami met ey? Antoy nepeg min gawaen?” Inmebat ed sikara, “Ag kayo mimialay kuartad siopaman diad pamasoot o pangakusad sikato. Pasarag yoy suildo yo.”

Mateo 19:18

“Anto ra tan a ganggan?” tepet to. Inmebat si Jesus, “Ag ka mamapatey; ag ka mikakaloguran; ag ka mantatakew; ag ka mantitila ed pantasim;

Jeremias 20:10

Narerengel koy paneesaesan na saray karaklan, “Makapataktakot ed anggan iner a pasen! Kanyan idalem tayod saray makankanepegan!” Anggan saray kakaarok a malet aalagden day kapelag ko. “Angangko nayarin palikdoen,” kuanda; “naerel tayo sirin tan makabawi tayo.”

Probirbio 25:23

No panoy pangitataruk na dagem a nanlapud baybay ed oran, ontan met so pangitataruk na panagtalabutob ed pasnuk.

Probirbio 25:18

Say pantasi na tila sumpad kaparan too, et aliling toy ispada, pekpek, odino matdem a pana.

Probirbio 19:28

Anggapoy katunongan no say tasi et walay labay ton pasakitan. Saray totoon maoges labalabay day taway na kaogsan.

Probirbio 17:4

Saray totoon maoges ondedengel ed saray maoges a kanunotan tan saray matila ondedengel ira ed saray tila.

Probirbio 12:17

No ibagam so katwaan, nagawa so katonungan, balet no saray tila, mansusumpal ira ed pakapikewet na katonungan.

Saray Salmo 120:3

Sikayo ran matitila, antoy gawaen na Dios ed sikayo? Panoy panusa tod sikayo?

Saray Salmo 27:12

Ag mo pa iyaabuloy a napelag ak ed lima da ray kalaban ko, a manusumlang ed siak diad panamegley na panagtila tan panagtaktakot.

2 Samuel 19:27

Nantilad sika nipaakar ed siak, balet singa ka anghil na Dios, kanyan gawam so antokaman ya amtam a maabig.

2 Samuel 16:3

“Kawalaan nen Mefiboset ya apo nen katawan mon Saul?” tepet na ari ed sikato. Inmebat si Siba, “Manaayam ed Jerusalem, ta sisiaen to ya ipawil natan na saray Israelita ed sikato so nanarian na laki ton si Saul.”

Exodo 23:7

Ag kayo mantitila ed pandalem yo, tan ag yo papateyen so toon matonung tan anggapoy kasalanan, ta ag ko ipasen a matonung so toon manggawa na ontan a kaogsan.

Juan 7:51

“Ag ta isesebel na Ganggan so panintinsiad sakey a toon ag ni atepetan tan ag ni amtay gagawaen to?”

Genesis 39:17

Insan inkuan na samay bii, “Samay aripen a Hebreo ya insempet mo dia et linmoob ed kuartok tan papasooten to ak.

Probirbio 14:5

Say napampiaan a tasi ibabaga to lawas so tua, balet say ag napampiaan tilan amin so ibabaga to.