Exodo 22:6 - Maung A Balita Biblia

⁶ “No say sakey a too et mamool ed alog to tan onkayamkam so apoy ed alog na arum a too tan napoolan iray ontutubon tanaman diman odino saray pinalot a nisimbun diman, say angigapoy apoy et nepeg a bayaran toy adarak.

Maung a Balita Biblia

⁶ No say sakey a too et mamool ed alog to tan onkayamkam so apoy ed alog na arum a too tan napoolan iray ontutubon tanaman diman odino saray pinalot a nisimbun diman, say angigapoy apoy et nepeg a bayaran toy adarak.

Exodo 22:6 Referans Kwoze

Exodo 22:9

“Diad balang kolkolan a nipaakar ed pankayaryan na bengatlan, singa bilang baka, asno, karniro, kawes, odino antokaman ya abalang, saray duaran totoon mangakayaryan et nepeg iran niyakar ed pasen a panangigalangan. Say toon ibawag na Dios a sikatoy nankasalanan et nepeg a mambayar na dobli ed samay sakey a too.

Exodo 22:12

balet no atakew so ayep, samay too nepeg a bayaran to so akanayep.

Mateo 7:16

Nabirbir yo rad panamegley na gawgawa ra. Ta say ubas ag naborbor ed kasabitan, tan say igos ag naborbor ed kiew ya aliwan igos.

Exodo 22:5

“No say sakey a too et ipastol to ray ayep to ed alog odino diad kaubasan, et akaarawi ra tan kinan da ray bunga na tanaman ed alog na sakey a too, say akanayep nepeg ton bayaran so kinen na ayep to na saray sankaabigan a bungay tanaman ed kaalogan to odino kaubasan to.

Exodo 22:7

“No say sakey a too et mipaknaan ya isinup toy kuarta odino antokaman a mablin kayaryan na sakey a too, insan natakew ira ed abung to, say nantakew nepeg a dobli so ibayar to no narel.